Futbol afsonalari “Paxtakor-79”ni yod etishdi

Qiziqarli kechgan oʻyinda tomonlar durangga imzo chekdi – 2:2. Doʻstlik gʻalaba qozongan uchrashuvda gollarni Oʻzbekiston jamoasidan Ravshan Ermatov hamda Timur Kapadze kiritgan boʻlsa, mehmonlar tarkibida Vitaliy Buliga hamda Sergey Kiryakov gollarga mualliflik qildi.

– Oʻzbekistonga kelib, yaqin doʻstlar bilan uchrashish odamga bir olam zavq bagʻishlaydi. Yurtingizda futbol katta yuksalishga erishmoqda. Bundan juda xursandman. Oʻzbekiston milliy terma jamoasining Jahon chempionati yoʻllanmasini qoʻlga kiritgani tarixiy voqea boʻldi. Jahon chempionatida omad yor boʻlishini tilayman. "Paxtakor-79", uning Makarov, An, Fyodorov, Sobirov, Agishev, Ashirov, Pokatilov, Eshboʻtayev kabi futbolchilari yodi hamisha qalbimizda. Shunday doʻstona uchrashuvni tashkil etganlarga rahmat. Bu, azaliy aloqalarimiz yanada mustahkamlanishiga xizmat qilishi bilan ahamiyatli, – deydi Rinat Dasayev.