“Diqqatini jamlay olmagan kompaniya”: OpenAI strategiyasi tanqid ostida

O‘tgan oyda OpenAI kremniy sohasi tarixidagi eng yirik moliyalashtirish raundi sifatida qayd etilishi mumkin bo‘lgan kelishuvda 122 milliard dollar jalb qildi. 

Biroq kompaniya so‘nggi olti oy ichida raqobatchilar – avvaliga Google, keyinroq esa Anthropic tomonidan yuzaga kelgan tahdidlarga javoban harakat rejasini ikki marta qayta ko‘rib chiqdi.

Hisobotga ko‘ra, OpenAI’ning ayrim investorlari bu o‘zgarishlar kompaniyani Anthropic va yuksalayotgan Google oldida zaif qilib qo‘yishi mumkinligini aytgan, vaholanki kompaniya shu yilda birjaga ilk bor chiqishga tayyorgarlik ko‘rmoqda.

Sohaning ayrim kuzatuvchilari Anthropic’ning daromad o‘sishi sur’ati bir necha oy ichida OpenAI’nikidan oshib ketishini taxmin qilmoqda.

"Qo‘lingizda yiliga 50-100 foiz o‘sayotgan, 1 milliard foydalanuvchiga ega ChatGPT kabi biznes turganida, korporativ tizim va kod haqida gapirib nima qilasiz?" — dedi OpenAI’ning ilk investorlaridan biri "Bu diqqatini bir nuqtaga jamlay olmagan kompaniya."

OpenAI’ning bosh moliyaviy direktori Sara Friarning so‘zlariga ko‘ra, investorlar kompaniya strategiyasini dastaklamayapti degan taxminlar haqiqataga zid.

OpenAI vakili Reuters agentligiga elektron pochta orqali yuborgan bayonotida kompaniyaning 122 milliard dollarlik mablag‘ yig‘ish kampaniyasi tez muddatda yakunlanganini va yetakchi global investorlarning keng doirasi tomonidan qo‘llab-quvvatlanganini ta’kidladi. Uning so‘zlariga ko‘ra, bu holat kompaniyaning yo‘nalishi, hozirgi biznes sur’ati va uzoq muddatli qiymatiga bo‘lgan kuchli ishonchni ko‘rsatadi.