O‘zbekistonning tashqi savdo aylanmasi 8,1 foizga o‘sdi: eksport kamayib, import hajmi oshgan

2026-yilning yanvar-iyul oylarida O‘zbekistonning tashqi savdo aylanmasi (TSA) 49,5 mlrd AQSh dollarini tashkil etib, 2025-yilning mos davriga nisbatan 3,7 mlrd AQSh dollariga yoki 8,1 foizga oshdi.  Bu haqda milliy statistika qo'mitasi xabar berdi.

TSAning umumiy hajmida eksport 19,9 mlrd AQSh dollarini (2025-yilning yanvar-iyul oylariga nisbatan 3,6 foizga kamaygan), import esa 29,6 mlrd AQSh dollarini (2025-yilning yanvar-iyul oylariga nisbatan 17,8 foizga oshgan) tashkil etdi. Natijada 9,7 mlrd AQSh dollari miqdorida manfiy saldo qayd etildi.

Ayni paytda oltinni hisobga olmaganda, tovarlar eksporti o‘tgan yilning mos davriga nisbatan 27,7 foizga o‘sib, 9,8 mlrd AQSh dollarini tashkil qildi. 

O‘zbekiston jahonning 200 dan ortiq mamlakati bilan savdo aloqalarini amalga oshirib kelmoqda. O‘zbekiston tashqi savdo aylanmasining yuqori ulushi:

•  Xitoy (22,7 foiz);
• Rossiya Federatsiyasi (16,4 foiz);
• Qozog‘iston (6,6 foiz);
• Turkiya (3,3 foiz);
• Afg‘oniston (2,5 foiz) hissasiga to‘g‘ri keldi.