Britaniyada boylar va qudratli shaxslarni qoʻlga olish uchun yangi partiya tashkil etilmoqda

Korbin va Sultana partiya tashkil etish rejasi doirasida bolalar qashshoqligi, narx oshishidan foyda olayotgan yirik korporatsiyalar, hamda hukumatning “kambagʻallar uchun mablagʻ yoʻq, lekin urush uchun milliardlar bor” degan yondashuviga qarshi kurashishini bildirdi.

“Leyboristlar partiyasi qattiq markazlashgan, tepadan buyruq beriladigan tizim. Uni nazorat qilmoqchi boʻlganlar juda koʻp.Biz esa jamoatchilikka tayangan, quyi qatlamdan boshlanadigan, chinakam grassroots partiya boʻlamiz. Bu umuman boshqa yondashuv – va bu jarayon qiziqarli boʻladi”, — dedi Korbin.

BBC bilan suhbatda Korbin yangi partiyaning tuzilmasi "federal", yaʼni mahalliy erkinlikni eʼtiborga oluvchi boʻlishini aytdi. Partiyaning umumiy qadriyatlari boʻlsa-da, mahalliy tashkilotlarga keng mustaqillik beriladi.

Partiyaga qoʻshilishni istaganlar uchun yaratilgan roʻyxatdan oʻtish sayti “Your Party” deb nomlansa-da, bu partiyaning rasmiy nomi emas.

Zarax Sultana ijtimoiy tarmoqdagi sahifasida bu masalaga aniqlik kiritdi:

Yangi partiya qoʻshetakchilari – 40 yillik siyosiy tajribaga ega Jeremi Korbin va faqat olti yildan buyon parlamentda faoliyat yuritayotgan Zarax Sultana – turli avlodlarga mansub boʻlsalar-da, ularni birlashtirgan narsa – chap qanot siyosatiga boʻlgan ishonch.

Ular fuqarolarni yangi siyosiy harakatni birga shakllantirishga chorlamoqda – bu harakat mamlakat boʻylab jamoalar hayotiga tayanadi, u yerda ildiz otadi va haqiqiy demokratik muqobil kuchga aylanadi.

Korbin va Sultananing bayonotiga koʻra, partiyaning dastlabki anjumani shu yilning kuzida oʻtkaziladi va u yerda siyosiy yoʻnalishlar aniq belgilanadi. Yangi partiya umumxalq saylovlarida katta muvaffaqiyat qozonmasa ham, Leyboristlarning ayrim saylov okruglaridagi gʻalabalariga xavf tugʻdirishi mumkin.

Dastlabki sinov 2026 yilning may oyida boʻlib oʻtadigan mahalliy saylovlarda kuzatiladi. Ayniqsa London va boshqa yirik shaharlarda bu yangi partiya oʻziga kuchli ijtimoiy tayanch topishi ehtimol.

Leyboristlar partiyasining chap qanotiga nisbatan zaifligi yaqinda bosh vazir farovonlik siyosatiga oid qonun loyihasini oʻzgartirishga majbur boʻlganida ham koʻrinib qoldi – hukumat 165 deputatlik koʻpchilikka ega boʻlsa-da, qonunni faqat 75 ovoz bilan qabul qildira oldi.