Dominikan Respublikasida hashamatli kurort yonib ketdi

Yong‘inda italiyalik bir sayyoh halok bo‘lgan, bir necha sayyohga tibbiy yordam ko‘rsatilgan.

“Viva Dominicus Beach by Wyndham” dam olish maskani Dominikan Respublikasining janubi-sharqiy sohilida joylashgan bo‘lib, AQSH va xalqaro sayyohlar uchun mashhur yo‘nalish hisoblanmish Bayahibe shahrida joylashgan.

Rasmiylarning bildirishicha, kuchli yong‘in tufayli 1690 nafarga yaqin sayyoh dam olish maskanidan boshqa mehmonxonalar va yaqin atrofdagi turarjoylarga evakuatsiya qilingan.

Yong‘in kelib chiqish sababi o‘rganilmoqda. Mamlakat Favqulodda vaziyatlar markazining ma’lum qilishicha, shamol hamda dam olish maskani tomining bir qismi somon bilan yopilgani sababli olov tez tarqalgan.

Markazning qo‘shimcha qilishicha, “Viva Wyndham”ning yaqin atrofdagi boshqa kurort – “Dominicus Palace” yong‘indan zarar ko‘rmagan va odatdagidek faoliyat yuritmoqda.