updated: 21.03.2026, 19:59

Erondagi voqeada Xitoydan olib kelingan raketa yoqilgʻisi portlab ketgan boʻlishi mumkin

Joriy yilning 26 aprel kuni Eronning Bandar-Abbos shahridagi Shahid-Rajai portida kuchli sodir boʻlgan kuchli portlash ortidan 1200 dan ortiq kishi jarohatlangan va 36 kishi halok boʻlgan. Voqea ortidan Eron Islom Respublikasida 3 kunlik motam eʼlon qilindi.

Jahon

28.04.2025, 10:31

Кириллчада

Ulashish:

Eron Bandar-Abbos shahridagi Shahid-Rajai portidagi portlash

Muhammad Rasul Moradi / IRNA / AP / Scanpix / LETA

Mahalliy nashrlarning yozishicha, portlash oqibatida bir necha kilometr radiusdagi binolarning derazalari sinib ketgan, internetda tarqalgan kadrlarda portlashdan keyin osmonda qoʻziqorin shaklidagi bulut hosil boʻlganini koʻrish mumkin.

Foto: Meysam Mirzadeh

Hozirgi vaqtga qadar Eron rasmiylari portlash qanday kelib chiqqani boʻyicha rasmiy maʼlumot bergani yoʻq. Ammo taxminlarga koʻra, portdagi "Ambreu" xususiy yuk tashish xavfini baholash kompaniyasidagi raketa yoqilgʻisi boʻlgan konteynerlar portlagan.

Foto: Muhammad Rasul Moradi / IRNA / AP / Scanpix / LETA

2025 yil yanvar oyida Eron kemasi Xitoydan qattiq raketa yoqilgʻisi va portlovchi moddalarni oksidlovchi natriy perxlorat moddasini Bandar Abbos shahri yaqinidagi portga olib kelgan. Tarqalgan xabarlarga koʻra, portdagi portlagan konteyner Xitoydan olib kelingan konteyner boʻlishi mumkin.

Ammo, Eron rasmiylari avvaliga portlash hech qanday harbiy materiallardan kelib chiqmaganini aytdi. Biroq, keyinchalik portlash portlovchi moddalarning ehtiyotsizligi bilan sodir boʻlganligi maʼlum boʻldi. Shundan soʻng, Eron Tashqi ishlar vaziri Abbos Aragchining aytishicha, mamlakat razvedka xizmatlari “avvalgi qoʻporuvchilik va suiqasdlarni inobatga olgan holda” hukumat shay holatga keltirildi. Hozirgi vaqtda fojia yuzasidan tergov harakatlari olib borilmoqda.

Eron sogʻliqni saqlash vazirligi Hoʻrmuzgon viloyatida favqulodda holat rejimi eʼlon qilib, aholidan uylarda qolish va derazalarni tambalab, niqob taqib yurish soʻragan.

Eron prezidenti Masʼud Pizishkiyon portlash boʻyicha tekshiruv borishini nazorat qilish uchun mamlakat ichki ishlar vaziri ushbu hududga yuborilganini maʼlum qilgan. U portlash oqibatida halok boʻlganlar uchun "chuqur hamdardli" izhor etgan.

Foto: Muhammad Rasul Moradi / IRNA / AP / Scanpix / LETA

Rus nashrlarining yozishicha, 27 aprel kuni Rossiya prezidenti Vladimir Putin Bandar-Abbos sharida joylashgan portidagi qurbonlar va keng koʻlamli vayronagarchiliklar munosabati bilan Eron rahbariyatiga hamdardlik bildirgan hamda yongʻinni oʻchirishga yordam berish uchun Rossiya Eronga Favqulodda vaziyatlar vazirligining ikkita samolyoti – Be-200ChS amfibiya samolyoti va Il-76 samolyotini yuborgan.

Shu kuni Oʻzbekiston Respublikasi Prezidenti Shavkat Mirziyoyev Eronda sodir boʻlgan voqea oqibatida koʻplab insonlarning halok boʻlgani va jiddiy jarohat olgani, katta talafotlar koʻrilganligi sababli mamlakat rahbari Masʼud Pezishkiyonga taʼziya maktubini yoʻllagan.

"Davlatimiz rahbari vafot etganlarning yaqinlariga sabr-toqat va bardamlik, jarohat olganlar tez fursatda shifo topishini tiladi", deyiladi xabarda.

Bandar Abbosdagi portlash Ummonda Eron va AQSh oʻrtasida Eron yadro dasturi taqdiri boʻyicha muzokaralarning soʻnggi raundi boshlangan kuni sodir boʻlgan.

Jahon

28.04.2025, 10:31

Ulashish: