Hukumat: Isroil 4 kunda Gʻazoda 118 falastinlikni oʻldirdi

Natijada ayollar va bolalarni ham oʻz ichiga olgan 118 falastinlik halok boʻldi.

Gʻazo hukumati maʼlumotiga koʻra, qurbonlardan 72 nafari shahar markazi — Gʻazo shahrida yashagan. Bayonotda taʼkidlanishicha, Isroil xalqaro chaqiriqlarni inkor etib, aholiga qarshi genotsid va nishonli hujumlarni davom ettirmoqda.

Gʻazo maʼmuriyati bu jinoyatlar uchun Isroilni toʻliq javobgar deb hisoblab, AQSh va jahon hamjamiyatini zudlik bilan taʼsirchan choralar koʻrishga chaqirdi.

Eslatib oʻtamiz, Donald Tramp 29 sentabr kuni Gʻazodagi genotsidni toʻxtatishga qaratilgan 20 banddan iborat rejani taqdim etgan edi. Unda Isroil asirlarini ozod etish va oʻt ochishni toʻxtatish boʻyicha takliflar ilgari surilgan.

Shunga qaramasdan, Isroil hozirgacha hujumlarni toʻxtatgani yoʻq. 2023 yil 8 oktabrdan buyon Gʻazodagi genotsid natijasida 67 mingdan ziyod falastinlik, jumladan 20 ming bola va 10 mingdan ortiq ayol halok boʻlgan.