Ğazo uruşidagi eng yirik ommaviy janoza marosimi bölib ötdi

Quyoş tiğida bayroqlarga öralgan zambillarda yotgan 112 ta çirigan jasad qoldiqlari…

Bular – qariyb uç yil avval Isroil tomonidan qirib taşlangan kelib çiqişi badaviylarga borib taqaladigan Sabralik al-Hassaynlar sulolasi a’zolariga tegişli jasadlar.

Falastin rasmiylarining ma’lumotlariga köra, 2023-yil 22-noyabrda Isroil havo hujumlari Ğazo şahrining eski mahallalaridan sanalgan Sabrada aholi uyqudaligida bir neçta köp qavatli binolarni qulatgan. Oqibatida al-Hassaynlar sulolasining 308 nafar a’zosi halok bölgan.

Vafot etganlarning deyarli yarmi avvalroq topilib, dafn etilgan, biroq şu paytgaça vayronalar ostida 153 ta jasad qolib ketayotgan edi.

Oradan qariyb uç yil ötgaç, 40 nafar işçidan iborat qutqaruv guruhi 17 kun davomida vayronalarni sinçkovlik bilan közdan keçirib, bedarak yöqolgan 112 nafar qurbonning tana qoldiqlarini olib çiqdi.

4-avgust kuni qöşnilar va uruğning omon qolgan a’zolaridan iborat guruh vayronalardan tozalangan tekis maydonga yiğildi.

Bu yerda Falastin hukumati Ğazo uruşidagi eng yirik ommaviy janoza marosimi deb ta’riflagan tadbir uçun jasadlar saflab qöyilgan edi.

Erkaklar zambillarni kötarib, köçalar böylab olib ötişdi. Bir peşlavhaga marhumlar — erkaklar, ayollar va bolalarning suratlari osilgan.

Falastin soğliqni saqlaş idoralari ma’lumotlariga köra, Isroilning Ğazodagi uruşida 73 mingdan ortiq falastinlik halok bölgani tasdiqlangan. Aksariyat ölim holatlari jasadlar ölikxonalarga keltirilib, dafn etilganida qayd etilgan. Yana 8000 ga yaqin odam vayronalar ostida ketgan, deb taxmin qilinadi.

Bu uruş Isroil bayonotiga köra, 2023-yil noyabr oyida HAMAS boşçiligidagi jangarilar Ğazodan bostirib kirib, 1200 nafar isroillikni öldirganidan söng boşlangan edi.