Isroil hujumlari tufayli Ğazoda 18 kişini halok böldi

Donald Tramp ötgan yilgi sulh bitimini amalga oşirişda yutuqqa erişilganini aytganiga qaramay, 2-avgust kuni Isroil Ğazoga ketma-ket ikkinçi kun havodan zarba berdi. Tibbiyot xodimlarining sözlariga köra, hujumlar oqibatida kamida 18 nafar falastinlik halok bölgan.

Isroil harbiy samolyotlari tong sahardan şimoldagi Ğazo şahriga, markazdagi Dayr al-Balah şahriga va janubdagi Xon Yunis hududiga zarbalar bergan.

Trampning 30-iyul kuni Falastinning HAMAS harakati va boşqa qurolli guruhlar qurolsizlanişga rozi bölgani haqidagi bayonoti mojaroni tugatişga bölgan umidlarni kuçaytirgandi.

2-avgust kuni Isroil energetika vaziri Eli Koen hukumat Hamasga qurolsizlaniş imkoniyatini berişini, biroq buning amalga oşişiga “şubha bilan” qaraşini ta’kidladi.

Koen Ğazoga hujumlarni töxtatiş böyiça heç qanday kelişuv bölmaganini aytdi. Uning ta’kidlaşiça, agar HAMAS qurolsizlanmasa, anklavning 70 foizini nazorat qilib turgan Isroil hududni töliq öz nazoratiga olişi zarur.

“AQŞ bilan imzolagan kelişuvimizda biz HAMAS tarqatib yuborilişi kerak, degan pozitsiyadamiz. Bu birinçi navbatda amalga oşirilişi kerak bölgan iş”, — deya qöşimça qildi u.

HAMAS esa Isroil Ğazoga hujumlarini töxtatib, qöşinlarini olib çiqqanidan keyingina Ğazoni boşqariş uçun taşkil etiladigan yangi Falastin organiga qurollarni topşirişga rozi bölişini ma’lum qildi. Bu sulh bitimining asosiy şartlaridan biri hisoblanadi.