Tehronda talabalar va Xominaiy tarafdorlari oʻrtasida toʻqnashuv yuz berdi

Sharif nomidagi Tehron Texnologiya universitetida oʻquv semestri boshlanishi munosabati bilan talabalar namoyishga chiqdi. 

Shuningdek, Tehrondagi Shahid Beheshti universitetida ham ish tashlash harakatlari kuzatilgan, poytaxtdagi Amir Kabir Texnologiya universitetidan olingan kadrlar haqiqiyligi ham jurnalistlar tomonidan tasdiqlangan.

Eronning ikkinchi eng yirik shahri Mashhadda talabalar “Ozodlik!” va “Talabalar, oʻz huquqingiz haqida baralla ayting!” shiorlari bilan koʻchalarga chiqqan. Kun davomida mamlakatning boshqa hududlarida ham namoyishlar boʻlgan.

Hozircha Eron hukumati namoyishlarga qanday munosabat bildirgani va hibsga olishlar haqida maʼlumot berilmagan.