Mehnat inspektorlariga oldindan ogohlantirmay tekshiruv oʻtkazishga ruxsat berildi

2025 yil 1 sentabrdan Oʻzbekistonda mehnatni nazorat qilish mexanizmiga oʻzgartirishlar kiritiladi. Bu prezidentning 4 avgustdagi «Mehnat munosabatlari va kasbga tayyorlash tizimini takomillashtirish hamda ish beruvchilarni ragʻbatlantirishga oid qoʻshimcha chora-tadbirlar toʻgʻrisida»gi farmonida nazarda tutilgan.

Xususan, davlat mehnat inspektorlari tomonidan oʻtkaziladigan tekshiruvlar toʻgʻrisida vakolatli organlarni oldindan xabardor qilish majburiyati bekor qilinadi.

Bundan tashqari, tadbirkorlarga xavf-xatarlarni tahlil qilish tizimi boʻyicha Mehnat inspeksiyasi tomonidan tekshiruvlarni boshlash uchun 10 kunlik ogohlantirish talabi tatbiq etilmaydi.

2026 yil 1 yanvardan boshlab maʼmuriy jarimalarni Yagona milliy mehnat tizimi orqali ish beruvchi ishtirokisiz, keyinchalik elektron maʼmuriy qarorlar chiqarish bilan joʻnatish mumkin boʻladi.

Farmonga koʻra, norasmiy bandlikka yoʻl qoʻygan ish beruvchilar 30 BHM (12,36 mln soʻm), huquqbuzarlik takroran sodir etilgan taqdirda esa 100 BHM (41,2 mln soʻm) miqdorida maʼmuriy javobgarlikka tortilishi kutilmoqda. Bandlik vazirligi, Adliya vazirligi va Savdo-sanoat palatasiga avgust oyiga qadar Vazirlar mahkamasiga ushbu jazoni joriy etish boʻyicha qonun loyihasini kiritish topshirildi.