Netanyahu Fransiyani “ekstremistik islom bosqini”ga uchraganlikda aybladi

20-oktyabr kuni Isroil Boş vaziri Binyamin Netanyahu iqtisodiy ahvolga qarşi ötkazilgan norozilik namoyişlari tartibsizliklarga aylanib ketganidan söng, Fransiyani “ekstremistik islom bosqini”ga uçraganlikda aybladi.

Uşbu bayonotlar Ğarb dunyosidagi öta öngçi siyosatçilar va şarhlovçilarning ritorikasiga hamohang böldi. Ular immigratsiya tufayli Yevropaning ayrim qismlari, jumladan, Britaniya ham islom an’analari ta’sirida qolgani haqida asossiz da’volar qilib kelişadi.

Öng qanot vakili bölgan boş vazir öz intervyusida Fransiya yetakçilari tartibsizliklarga tayyorgarlik köra olmagani haqida gapirdi. U Parij va boşqa yirik şaharlarda köçalarga çiqqan namoyişçilar turli qatlamlarga mansub bölganiga qaramay, ğalayonlarni ekstremist musulmonlar avj oldirganini iddao qildi.

“Ular öz vaqtida tayyorgarlik körmay, şunçaki qöl siltab qöyişdi. Ular ekstremistik islom bosqiniga böyin egişdi”, – degan Netanyahu.

Fransiyaga qanday maslahat bergan bölardingiz, degan savolga javoban: “Yon beriş siyosatini yuritmang, ekstremistlarga qarşi kuraşing” deb javob bergan Isroil boş vaziri.

Şuningdek, u HAMASning 2023-yil 7-oktyabrdagi hujumidan söng Fransiya prezidenti Emmanuel Makronga “agar biz ularni bu yerda yöq qilmasak, ular Parijda paydo böladi” deb aytganini qöşimça qildi.

Fransiya ötgan yili Falastin davlatçiligini tan olib, Isroilni norozi qilgan bir qator Yevropa mamlakatlaridan biri bölgan edi.

Tramp ham immigratsiyani aybladi

AQŞ prezidenti Donald Tramp Fransiyadagi norozilik namoyişlaridan foydalanib, bunda immigratsiyani aybladi hamda Yevropa va Makronni çegara nazoratini kuçaytirişga çaqirdi.

“Fransiyada bölayotgan voqealarning na maktablarga, na boşqa biror narsaga aloqasi bor, bularning bari immigratsiya bilan boğliq. Gap immigratsiyada va men prezident Emmanuel Makronga çegaralarni yopişni aytdim” – dedi  Tramp jurnalistlarga.

Tramp noqonuniy immigratsiyaga qarşi kuraşni 2024-yilgi saylovoldi kampaniyasining asosiy va’dasiga aylantirgandi.