Нодир Ганиев Франция Президентига ишонч ёрлиғини топширди

Қайд этилишича, маросимда Франция давлат раҳбари 2023 йил ноябрь ойида Самарқанд шаҳрига келганини эслаб, Ўзбекистон билан ҳамкорликни давом эттириш ҳамда дўстлик алоқаларини янада мустаҳкамлаш тарафдори эканлигини билдирган. 

Шунингдек, Президент Макрон Ўзбекистон элчиси билан бир қаторда яна 20 нафар бошқа давлат элчиларига ишонч ёрлиғини топширган. 

Маълумот учун, 53 ёшли Нодир Ганиев 13 июль куни Париж шаҳрига Ўзбекистоннинг янги элчиси ўлароқ сафар қилганди. У шу кунга қадар Ўзбекистоннинг Швециядаги биринчи фавқулодда ва мухтор элчиси лавозимида ишлаган. 

Нодир Ганиёв Тошкент давлат шарқшунослик университетини тамомлаган. 1994 йилдан буён Ташқи ишлар вазирлиги тизимида фаолият юритиб келмоқда. Шунингдек, у Марказий аппаратда ва мамлакатнинг хориждаги дипломатик ваколатхоналарида ҳам турли лавозимларда ишлаган. 

Швецияга элчи бўлиб тайинланишидан олдин Ташқи ишлар вазирлигининг Европа мамлакатлари ва Европа Иттифоқи институтлари билан ҳамкорлик бошқармасига раҳбарлик қилган.