Olimpiada kundaligi: Yunon-rum kurashchilari keyingi bosqich yoʻllanmasini qoʻlga kiritdi

Yunon-rum kurashi boʻyicha dastlab -77 kg vazn toifasida ishtirok etayotgan Aram Vardanyan misrlik raqibi Mahmud Abdulrahmondan ustun kelib, chorak final yoʻllanmasiga ega chiqdi. Oradan biroz vaqt oʻtib, chorak final bahsida yaponiyalik Nao Kusaka bilan bellashgan Vardanyan raqibga imkoniyatni boy berdi. Ammo unda bronza medali uchun imkoniyat hali hamon saqlanib turibdi. Bu uchun Nao Kusaka finalgacha borishi talab etiladi.

Mazkur sport turi boʻyicha yana bir sportchi Rustam Assakalov -97 kg vazn toifasida bahsga kirdi. Tajribali sportchiga 1/8 final bosqichida gonduraslik Kevin Mexiyani raqib boʻldi. Assakalov asosiy vaqtning oʻzida masalani hal qilib, chorak finalga yoʻl oldi. Bu bosqichda unga armanistonlik Artur Aleksanyan raqib boʻladi.

Kun bellashuvlarini boks musobaqalarida ishtirokini davom ettirayotgan Asadxoʻja Moʻydinxoʻjayev yakunlab berdi. U -71 kg vazn toifasida Olimpiadaning final yoʻllanmasini qoʻlga kiritish uchun amerikalik Omar Jons bilan ringga koʻtarildi. Murosasiz kechgan bahsda hakamlar 3:2 hisobini qayt etib, bellashuvni Moʻydinxoʻjayev foydasiga hal qildi. Uning final jangi 9 avgust kuni boʻlib oʻtadi.

Maʼlumot uchun, bugun Tokio Olimpiadasi chempioni Bahodir Jalolov final yoʻllanmasi uchun germaniyalik Nelvi Tiafak bilan ringga chiqadi. Bu jang 8 avgustga oʻtar kechasi Toshkent vaqti bilan soat 1:00 da boshlanadi.