Олимпиада кундалиги: Юнон-рум курашчилари кейинги босқич йўлланмасини қўлга киритди

Кеча, 6 август куни Париж-2024 Олимпиадасида Ўзбекистон делегациясининг бир қанча вакиллари медаллар учун жангга кирди. Унда ўзбекистонлик сопртчилар юнон-рум кураши бўйича майдонга тушди.

Спорт

07.08.2024, 11:42

Lotinchada

Улашиш:

Olimpiada kundaligi: Yunon-rum kurashchilari keyingi bosqich yoʻllanmasini qoʻlga kiritdi

Юнон-рум кураши бўйича дастлаб -77 кг вазн тоифасида иштирок этаётган Арам Варданян мисрлик рақиби Маҳмуд Абдулраҳмондан устун келиб, чорак финал йўлланмасига эга чиқди. Орадан бироз вақт ўтиб, чорак финал баҳсида япониялик Нао Кусака билан беллашган Варданян рақибга имкониятни бой берди. Аммо унда бронза медали учун имконият ҳали ҳамон сақланиб турибди. Бу учун Нао Кусака финалгача бориши талаб этилади.

Мазкур спорт тури бўйича яна бир спортчи Рустам Ассакалов -97 кг вазн тоифасида баҳсга кирди. Тажрибали спортчига 1/8 финал босқичида гондураслик Кевин Мехияни рақиб бўлди. Ассакалов асосий вақтнинг ўзида масалани ҳал қилиб, чорак финалга йўл олди. Бу босқичда унга арманистонлик Артур Алексанян рақиб бўлади.

Кун беллашувларини бокс мусобақаларида иштирокини давом эттираётган Асадхўжа Мўйдинхўжаев якунлаб берди. У -71 кг вазн тоифасида Олимпиаданинг финал йўлланмасини қўлга киритиш учун америкалик Омар Жонс билан рингга кўтарилди. Муросасиз кечган баҳсда ҳакамлар 3:2 ҳисобини қайт этиб, беллашувни Мўйдинхўжаев фойдасига ҳал қилди. Унинг финал жанги 9 август куни бўлиб ўтади.

Маълумот учун, бугун Токио Олимпиадаси чемпиони Баҳодир Жалолов финал йўлланмаси учун германиялик Нелви Тиафак билан рингга чиқади. Бу жанг 8 августга ўтар кечаси Тошкент вақти билан соат 1:00 да бошланади.

Спорт

07.08.2024, 11:42

Улашиш:

#Париж

мавзуга оид янгиликлар