Konstitutsiya kuni munosabati bilan jazo muddatini oʻtayotgan 615 nafar mahkum afv etildi

Farmonga muvofiq, Konstitutsiyaning 109-moddasi 23-bandiga asosan jazo muddatini oʻtayotgan hamda qilmishidan chin koʻngildan pushaymon boʻlib, tuzalish yoʻliga oʻtgan 615 nafar shaxs afv etildi.

Afv tartibi va koʻrsatkichlar

— 220 nafar shaxs asosiy jazodan toʻliq ozod etildi.
— 123 nafar mahkum jazoni oʻtashdan muddatidan oldin shartli ravishda ozod qilindi.
— 97 nafar mahkumning ozodlikdan mahrum etish jazosi yengilroq jazo turi bilan almashtirildi.
— 175 nafar shaxsga tayinlangan jazo muddatlari qisqartirildi.

Afv etilganlar orasida:
— 9 nafar xorij fuqarosi,
— 29 nafar ayol,
— 23 nafar 60 yoshdan oshgan erkak,
— 264 nafar yoshlar (shulardan 2 nafari voyaga yetmaganlar),
— 9 nafar taqiqlangan tashkilotlar faoliyatida qatnashgan shaxslar mavjud.

Afv etilganlarga koʻmak choralari

Farmon ijrosi doirasida afv etilganlarni oilasi va yaqinlari bagʻriga qaytarish, ularning ijtimoiy hayotga moslashuvi, foydali mehnat bilan shugʻullanishi, sogʻlom turmush tarzini yoʻlga qoʻyishi va jamiyatda munosib oʻrin topishi uchun masʼul vazirlik va idoralarga tegishli topshiriqlar berildi.