Oʻzbekiston rossiyaliklar orasida kuzgi sayohatlar uchun eng mashhur yoʻnalishlardan biriga aylandi

Unda Oʻzbekiston rossiyaliklar uchun vizasiz kirish mumkin boʻlgan davlatlar orasida kuzgi sayohatlar uchun eng mashhur yoʻnalishlariga aylangan qayd etilgan, deb xabar qilmoqda "Dunyo" AA muxbiri.

Maqolada taʼkidlanishicha, rossiyalik turoperatorlar 2025 yilning kuz mavsumida Oʻzbekistonga ekskursiya turlariga boʻlgan talabning 2024 yilning kuziga nisbatan 20-25 foizga oʻsganini bildirmoqda.

Ularning fikriga koʻra, Oʻzbekistonning muhim raqobatdosh ustunliklari boy ekskursiya dasturi, anʼanaviy mehmondoʻstlik, vizasiz kirish, til toʻsiqlarining yoʻqligi va sayyohlik infratuzilmasining rivojlanishidir, deb taʼkidlangan.

"Koʻplab sayyohlar Oʻzbekistonga milliy taomlarni tatib koʻrish va ularni tayyorlash boʻyicha mahorat darslarida ishtirok etish uchun boradi. Mamlakatda milliy oshxonaga bagʻishlangan koʻplab festivallar va tadbirlar oʻtkaziladi. Mijozlarimiz nafaqat Toshkent, Samarqand va Buxoroni, balki Urganchni ham koʻrishni xohlamoqda", – deb turoperatorlar soʻzlaridan iqtibos keltirilgan materialda.

Rossiya Turoperatorlari uyushmasi, shuningdek, rossiyalik sayyohlarning Oʻzbekistonga VIP-turlarga – qimmat mehmonxonalarda yashash, shaxsiy gidlar va ekskursiya dasturini shaxsiy qiziqishlarga moslashtirishga boʻlgan qiziqishi ortayotganini ham maʼlum qilgan.