qirq mingdan ortiq fuqaroga bir martalik nafaqa toʻlandi

Shulardan:

• 28 ming 700 dan ortiq ota-ona jami 25,6 milliard soʻm miqdorida suyunchi nafaqasi olgan;
• 11 ming 800 ga yaqin fuqaro uchun esa 22,3 milliard soʻm miqdorida dafn etish nafaqasi toʻlab berilgan.

Suyunchi nafaqasi — bola tugʻilgandan keyin 6 oy ichida beriladigan bir martalik toʻlov boʻlib, uni bolaning otasi yoki onasi “Xalq banki”ning istalgan filialiga murojaat qilib yoki “Xazna” mobil ilovasi orqali olishlari mumkin. Agar oila **“Ijtimoiy himoya yagona reyestri”**da roʻyxatdan oʻtgan boʻlsa, ikkinchi farzand uchun ham suyunchi puli beriladi.

Dafn etish nafaqasi esa FHDYo boʻlimidan oʻlim haqidagi guvohnoma olgan shaxsga toʻlanadi. Mablagʻni “Xalq banki” orqali yoki “Xazna” ilovasi orqali olish mumkin. Biroq murojaat 60 kundan kechiktirilsa yoki fuqaro muomalaga layoqatsiz deb topilgan boʻlsa, nafaqa toʻlanmaydi.

Maʼlumot uchun:

• Suyunchi nafaqasi — 893 ming soʻm;
• Dafn etish nafaqasi — 1 million 884 ming soʻmni tashkil etadi.