Rasman: Tailand O‘zbekiston fuqarolari uchun vizasiz rejimni bekor qildi

Unga ko‘ra, shu kundan boshlab 60 ta davlat fuqarolari uchun ushbu mamlakatda vizasiz qolish muddati 60 kundan 30 kunga qisqartiriladi.
O‘zbekiston fuqarolari uchun esa mamlakatga vizasiz kirish qoidasi, shuningdek, yetib kelgach viza olish (Visa on Arrival) imkoniyati bekor qilinadi. 60 kunlik vizasiz rejim 14-sentyabr sanasigacha amal qiladi.

Endilikda Tailandga sayyoh sifatida borish uchun vizani oldindan rasmiylashtirish kerak bo‘ladi. Vizaga ariza thaievisa.go.th sayti orqali topshiriladi, lekin to‘lovni onlayn amalga oshirib bo‘lmaydi. To‘lov Tailand Qirolligining eng yaqin konsulligida AQSh dollarida (USD) amalga oshiriladi. O‘zbekistonda Tailand elchixonasi va rasmiy konsulligi yo‘q. O‘zbekiston bo‘yicha vakolatli elchixona Tailandning Moskvadagi elchixonasi hisoblanadi.

Qo‘shnilarimizdan Qozog‘iston va Qirg‘iziston fuqarolari uchun esa 30 kunlik vizasiz rejim saqlanib qolgan.