Oʻzbekistonda oʻzini oʻzi band qilgan shaxslar 5,5 milliondan oshdi

Davlat soliq qoʻmitasi Oʻzbekistondagi oʻzini oʻzi band qilgan shaxslar sonining oʻsish dinamikasini maʼlum qildi.

Unga koʻra, 2025 yil 1 iyul holatiga oʻzini oʻzi band qilgan shaxslar 5,5 mln nafardan oshdi. Bu oʻtgan yilning mos davriga nisbatan 56% ga (2 mln nafar) ortiq. 

Oʻsish koʻrsatkichi eng yuqori sohalar (2024 yilning shu davriga nisbatan): 

maishiy xizmatlar – 51,4% (753,1 mingtaga); 

qishloq xoʻjaligi xizmatlari - 66,1% (606,9 mingtaga);

ishlab chiqarish va xizmat koʻrsatish – 64,4%  (213,2 mingtaga).