Parij-2024: Bugun Oʻzbekiston hisobiga ikkita medal qoʻshiladi

Dastavval bir necha bor Osiyo chempioni boʻlgan Taxmina Ikromova yakkalik baharida koʻpkurash sportida oʻz ishtirokini boshlab beradi.

Soat 13:35 da taekvondo boʻyicha -68 kg vazn toifasida Tokio Olimpiadasi chempioni Ulugʻbek Rashidov bu sport turi boʻyicha bahslarni boshlab beradi. Birozdan soʻng kanoeda eshkak eshish boʻyicha Nilufar Zokirova 200 metr masofadagi bahslarda ishtirok etadi. 

Sportning erkin kurash turi boʻyicha bellashuvlarda Oʻzbekiston nomidan ishtirok etib kelayotgan asli dogʻistonlik Jabrail Shapiev -86 kg vazn toifasida Gurjiston vakili Vladimir Gamkrelidzega qarshi gilamga chiqadi. Soʻngra -57 kg vaznda Gʻulomjon Abdullayev ozarbayjonlik Aliabbos Rzazadega qarshi jang qiladi. 

Bundan tashqari, zamonaviy beshkurash boʻyicha Alise Faxrutdinova saralash bosqichida ishtirokini boshlaydi. U konkur, qilichbozlik, oʻq otish, yugurish va suzish kabi yoʻnalishlarda oʻz omadini sinab koʻradi. 

8 avgustdan 9 avgustga oʻtar kechasi soat 00:30 larda boks musobaqalarida ishtirokini davom ettirayotgan Oʻzbekiston delegatsiyasi bayroqdori Abdumalik Halakov (-57 kg) final yoʻllanmasi uchun avstraliyalik Charli Seniorga qarshi ringga chiqadi. 

Nihoyat, soat 1:34 da Parij Olimpiadasining oltin medali uchun -51 kg vazn toifasida Rio Olimpiadasi chempioni, bir necha bor Osiyo va jahon chempioni Hasanboy Doʻsmatov mezbon sportchi Yevropa oʻyinlari gʻolibi, jahon chempionati sovrindori Bilol Bennamaga qarshi ringga chiqadi.