Париж-2024: Бугун Ўзбекистон ҳисобига иккита медаль қўшилади

Парижда ўтаётган тўрт йилликнинг энг нуфузли мусобақаси — 33-ёзги Олимпия ўйинлари сўнгги палласига етиб бормоқда. Унда бугун Ўзбекистон вакилларининг бир қанчаси эшкак эшиш, бокс, таэквондо, замонавий бешкураш ва бадиий гимнастика бўйича баҳсларга киришади.

Спорт

08.08.2024, 13:19

Lotinchada

Улашиш:

Parij-2024: Bugun Oʻzbekiston hisobiga ikkita medal qoʻshiladi

Даставвал бир неча бор Осиё чемпиони бўлган Тахмина Икромова яккалик баҳарида кўпкураш спортида ўз иштирокини бошлаб беради.

Соат 13:35 да таэквондо бўйича -68 кг вазн тоифасида Токио Олимпиадаси чемпиони Улуғбек Рашидов бу спорт тури бўйича баҳсларни бошлаб беради. Бироздан сўнг каноэда эшкак эшиш бўйича Нилуфар Зокирова 200 метр масофадаги баҳсларда иштирок этади.

Спортнинг эркин кураш тури бўйича беллашувларда Ўзбекистон номидан иштирок этиб келаётган асли доғистонлик Жабраил Шапиэв -86 кг вазн тоифасида Гуржистон вакили Владимир Гамкрелидзега қарши гиламга чиқади. Сўнгра -57 кг вазнда Ғуломжон Абдуллаев озарбайжонлик Алиаббос Рзазадега қарши жанг қилади.

Бундан ташқари, замонавий бешкураш бўйича Алисе Фахрутдинова саралаш босқичида иштирокини бошлайди. У конкур, қиличбозлик, ўқ отиш, югуриш ва сузиш каби йўналишларда ўз омадини синаб кўради.

8 августдан 9 августга ўтар кечаси соат 00:30 ларда бокс мусобақаларида иштирокини давом эттираётган Ўзбекистон делегацияси байроқдори Абдумалик Ҳалаков (-57 кг) финал йўлланмаси учун австралиялик Чарли Сениорга қарши рингга чиқади.

Ниҳоят, соат 1:34 да Париж Олимпиадасининг олтин медали учун -51 кг вазн тоифасида Рио Олимпиадаси чемпиони, бир неча бор Осиё ва жаҳон чемпиони Ҳасанбой Дўсматов мезбон спортчи Европа ўйинлари ғолиби, жаҳон чемпионати совриндори Билол Беннамага қарши рингга чиқади.

Спорт

08.08.2024, 13:19

Улашиш:

#Париж

мавзуга оид янгиликлар