Qirgʻizistondan noqonuniy olib kelingan 5,7 mlrd soʻmlik zargarlik buyumlari toʻxtatib qolindi

Xususan, Fargʻona tumanida yashovchi, 1987 y.t. fuqaro qirgʻizistonlik shaxs tomonidan aylanma yoʻllar orqali “oʻzbek-qirgʻiz” davlat chegarasidan noqonuniy ravishda mamlakatimizga oʻtkazib berilgan katta miqdordagi zargarlik buyumlarini qabul qilib oladi. 

Soʻngra moddiy manfaat evaziga, ularni Fargʻona shahrida kutib turgan Andijon viloyati Jalaquduq tumanida yashovchi, 1997 y.t. fuqaroga yetkazib bergan vaqtida, ularning ikkalasi ham qoʻlga olindi.

Tilladan yasalgan ushbu zargarlik buyumlarining jami ogʻirligi 5 kg 706 gr.ni tashkil qilib, dastlabki umumiy qiymati 5 mlrd 746 mln soʻmga teng.

Hozirda mazkur shaxslarga nisbatan tergovga qadar tekshiruv harakatlari olib borilmoqda.