Buxoroda 53 yoshli erkak ikki tanishini pichoqladi

Qayd etilishicha, Kogon shahrida istiqomat qiluvchi, 1971 yilda tugʻilgan A.G. avvaldan oʻrtalarida kelishmovchilik boʻlgan ikki nafar tanishini qasdan oʻldirish maqsadida ularning yoniga borgan. 

Soʻng fuqaro yonidagi oshxona pichogʻi bilan 61 yoshli ayolga hamda 29 yoshli erkakka tashlanadi va ularning tanalariga pichoq bilan uradi. Buning oqibatida 29 yoshli fuqaro olgan jarohati sabab vafot etgan. Ayol esa shifoxonaga yotqizilgan. 

Mazkur jinoyatni sodir etgan A.G.ga nisbatan Kogon shahar prokuraturasi tomonidan Jinoyat kodeksining 25, 97-moddasi 2-qismi "a" bandi bilan jinoyat ishi qoʻzgʻatilib, protsessual tartibida ushlangan. 

Eslatib oʻtamiz, avvalroq Buxoro viloyati Buxoro tumanida yashovchi fuqaro oʻzining turmush oʻrtogʻini pichoqlab oʻldirgan edi.