Oʻzbekistonda jurnalist oʻzi kim?

Hokim haqorat qilsa, vazir kimgadir xizmat qilishda ayblasa, Milliy gvardiya aeroportga kiritmasa... Oʻzbekistonda jurnalist oʻzi kim?

Oʻzbekistonda jurnalist oʻzi kim?

Oʻzbekistonda jurnalist oʻzi kim?

Amalda toʻrtinchi hokimiyat vakillari deyiladigan, davlat rahbari haqiqatni gapirsa, men ularning orqasidaman deb atagan jurnalistlarga oxirgi paytlarda munosabat shunday boʻlyapti va oʻzi bor, ammo ishlamaydigan qonunlar yana jurnalistlar huquqlarini doimgidek himoya qilolmayapti.

Ijtimoiy tarmoqlarda Toshkent xalqaro aeroportiga Oʻzbekiston terma jamoasini kutib olish uchun chiqqan mustaqil jurnalistlarning ichkariga kiritilmaganligi eʼtirozlarga sabab boʻldi. 

Koʻpchilik Parij-2024 Olimpiadasini dunyo miqyosida bir qator sharmandali holatlar bilan eslab qoldi. Oʻzbekistondagi jurnalistlar uchun esa ushbu Olimpiada ikki hissa sharmandali boʻldi desak mubolagʻa boʻlmaydi. Sababi sportchilarni kutib olish jarayonlarini yoritish uchun borgan koʻplab nashrlarda faoliyat olib borayotgan jurnalistlar aeroportga kiritilmadi. Rasmiylar bu holatni aeroportda tartibni saqlash chorasini koʻrish maqsadida deb izoh bergan, shunda oʻzidan oʻzi savol yuzaga keladi: Tartibni jurnalistlar buzadimi?  

Ommaviy axborot vositalari xodimlari aeroport ichkarisiga kiritilmagan bir paytda,  davlatga tegishli OAV vakillari, xususan, davlat telekanallari va OʻzA sayti muxbirlari sportchilardan intervyu olib yurdi. 

Boshqa mustaqil ommaviy axborot vositalari vakillari esa tashqarida qolib ketgan. Bu holat rasmiylar tomonidan jamoatchilik oldida ochiq va shaffof boʻlish majburiyatini buzayotganligini koʻrsatmayaptimi?! 

Bu turdagi cheklovlar Oʻzbekistonning erkin matbuot sohasida erishgan yutuqlarini tahdid ostiga qoʻymaydimi? OAVlar davlat organlari va rasmiy tadbirlar haqidagi axborotni xalqqa yetkazishda muhim ahamiyatga ega va ularga boʻlgan ishonchning shakllanishida hal qiluvchi rol oʻynaydi. 

Jurnalistlarning oʻz vazifalarini bajarishi uchun toʻsiqlar yaratish, axborot olish imkoniyatini cheklash — nafaqat jurnalistlar huquqlarini poymol qilish, balki erkin matbuotni boʻgʻish emasmi?! 

Rasmiylarning mustaqil jurnalistlarga nisbatan bu tarzda cheklov oʻrnatishi, mamlakatda soʻz va axborot erkinligiga boʻlgan munosabatning xavotirli darajada ekanini koʻrsatmaydimi?! Bunday holatlar xalqaro maydonda mamlakatning obroʻyiga zarar yetkazmaydimi?! 

Oʻzbekistonning ochiqlik va erkinlik yoʻlida erishayotgan yutuqlari faqat soʻzlarda qolib ketmasligi, barcha OAVlar uchun teng sharoitlar yaratilishi va jurnalistlarga axborot olish imkoniyatlari berilishi lozim. 

Davlatning oshkoraligi va shaffofligi faqat rasmiy OAVlar bilan cheklanmasligi, balki mustaqil va xolis axborot manbalarining ham faoliyatini cheklovsiz amalga oshirishiga imkoniyat yaratish orqali taʼminlanishi kerak. Ushbu holat Oʻzbekistonning erkin matbuot va soʻz erkinligi yoʻlidagi islohotlarining yanada jiddiy qarashga muhtoj ekanligini koʻrsatadi. 

Jurnalistlar ularning qaysi OAVga tegishli ekanligidan qatʼi nazar, davlat tadbirlarini yoritishda teng imkoniyatlarga ega boʻlishi zarur. Shu orqali mamlakatda erkin va adolatli axborot muhitini yaratish yoʻlida muhim qadamlar tashlanadi.

Oʻzbekiston

14.08.2024, 10:30

Ulashish:

So‘nggi yangiliklar

Kanadada maktabda otishma: 10 kishi halok boʻldi

Kanadaning Britaniya Kolumbiyasi provinsiyasidagi Tumbler-Ridj oʻrta maktabida otishma sodir boʻldi. Oqibatda 10 kishi halok boʻldi, hujumchi esa oʻz joniga qasd qilgan.

Jahon

11.02.2026, 17:49

Rossiyada Oʻzbekiston fuqarosi terrorizm boʻyicha 20 yilga qamaldi

Javohir Oʻtkirov Rossiya Federatsiyasi Jinoyat kodeksining bir qator terrorizm va qurol-yaroq bilan bogʻliq moddalari boʻyicha aybdor deb topildi.

Oʻzbekiston

11.02.2026, 17:07

“Muomalasi yoqmagani uchun bojni oshirdim” - Tramp

AQSh prezidenti Donald Tramp Shveysariyaga nisbatan joriy etilgan boj toʻlovlari 39 foizgacha oshirilganini maʼlum qildi.

Jahon

11.02.2026, 16:48

“Kvartplata”ni kechiktirganlar elektr uchun toʻlov qila olmaydi

2026 yil 1 iyuldan boshlab koʻp kvartirali uy mulkdorlari har oyning 15-sanasiga qadar majburiy toʻlovlarni amalga oshirmasa, qarzdorlik bartaraf etilmaguncha elektr energiyasi uchun toʻlovlari qabul qilinmaydi.

Iqtisodiyot

11.02.2026, 15:42

Rossiya “Telegram”ni ham bloklashi mumkin

Rossiyada “Telegram” foydalanuvchilari texnik uzilishlar haqida ommaviy ravishda shikoyat qila boshladi. Manbalarga koʻra, “Roskomnadzor” messenjer faoliyatini cheklash boʻyicha yangi choralarni ishga tushirgan.

Jahon

11.02.2026, 13:58

Ombudsmanning 2025 yilgi faoliyati koʻrib chiqildi

Maʼlum qilinishicha, 2025 yilda Ombudsman oʻz ishini qonuniylik, adolat va ochiqlik tamoyillari asosida olib borgan.

Oʻzbekiston

11.02.2026, 10:46

Qamchibek Tashiyev barcha lavozimlaridan ozod etildi

Qirgʻiziston prezidenti Sadir Japarov farmoni bilan Qamchibek Tashiyev Vazirlar Mahkamasi raisi oʻrinbosari — Davlat milliy xavfsizlik qoʻmitasi raisi lavozimidan ozod etildi.

Jahon

11.02.2026, 09:33

Quruvchilarning makkarona shartnomalari fosh etildi

Ayrim holatlarda shartnomalarni quruvchi kompaniya emas, “agent” yoki “tijorat vakili” sifatida boshqa shaxslar imzolagan boʻlib, bu muammo yuzaga kelganda haqiqiy quruvchining javobgarlikdan qochishiga olib kelmoqda.

Oʻzbekiston

10.02.2026, 16:51

COVID-19 vaksinasi saraton chaqirmaydi — rasmiy izoh

Ijtimoiy tarmoqlarda COVID-19 vaksinasi inson genomiga zarar yetkazishi va saratonga sabab boʻlishi haqida asossiz xabarlar tarqalmoqda. Bu maʼlumotlarga Sanepid qoʻmita rasmiy izoh berdi.

Oʻzbekiston

10.02.2026, 15:21

Oʻzbekistonda taksi haydovchilarining daromadi yiliga 1 mln soʻmdan ham oshmadi — DSQ

2025 yil yakuniga koʻra taksi agregatorlari faoliyati boʻyicha eʼlon qilingan maʼlumotlarda haydovchilar daromadi, toʻlov usullari, yosh tarkibi va yoʻlovchi tashish bozorining asosiy koʻrsatkichlari keltirilgan.

Iqtisodiyot

10.02.2026, 13:21

Islom taraqqiyot banki Oʻzbekiston yoʻllari va maktablari uchun 160 mln dollar ajratadi

Mablagʻlar Jizzax viloyatidagi hududiy avtomobil yoʻllarini taʼmirlash hamda SmartEd loyihasi doirasida respublika boʻylab yangi maktablar qurish va jihozlashga yoʻnaltiriladi.

Iqtisodiyot

10.02.2026, 12:13

"Portfolio - yigʻmajild" - xorijiy atamalar oʻzbek muqobillari bilan almashdi

Hukumat huzuridagi atamalar komissiyasi qarori bilan kundalik hayot va rasmiy hujjatlarda keng qoʻllanib kelgan 40 ta xorijiy atama oʻzbekcha muqobillari bilan almashtirildi. 

Ta'lim

10.02.2026, 09:56