Xitoy Afrikadan olib kiriladigan mahsulotlarga bojlarni bekor qiladi

Bu esa Pekin bilan Afrika mamlakatlari oʻrtasidagi savdo va iqtisodiy aloqalarni yanada mustahkamlashga xizmat qiladi, deb xabar beradi AFP agentligi.

Hozirda Xitoy 33 ta Afrika mamlakatidan keladigan import mahsulotlariga boylarni nolga tushirgan, biroq oʻtgan yili Xitoy bu siyosatni diplomatik aloqalari mavjud boʻlgan barcha 53 Afrika mamlakatlariga kengaytirishini eʼlon qilgan edi.

Yangi kengaytirilgan siyosat doirasida bojlar Esvatini mamlakati (Esvatíni nomi rasman 2018 yil 19 aprelda qabul qilingan. Avval bu davlat Svazilend (Swaziland) deb nomlangan) ga nisbatan amal qilmaydi, chunki u Tayvan bilan diplomatik aloqalarini saqlab qolmoqda. Xitoy esa demokratik orolni oʻz hududi deb hisoblaydi va nazoratni oʻrnatish uchun kuch ishlatishni istisno qilmaydi.

Xitoy Afrika qitʼasining eng katta savdo hamkori boʻlib, “Belt and Road Initiative” loyihasi orqali qitʼadagi infratuzilma rivojlanishida muhim rol oʻynaydi.

Mazkur qaror AQSh Prezidenti Donald Trampning oʻtgan yili jahon boʻylab keskin boylarni joriy qilganidan keyin, bir qator Afrika mamlakatlari savdo sheriklarini diversifikatsiya qilishga uringan paytga toʻgʻri kelmoqda.

Si Szinpin ushbu nol‑boj siyosati “Afrikaning rivojlanishida yangi imkoniyatlar yaratadi” deb taʼkidladi. Bu yangilik Afrika Ittifoqining yillik sammiti doirasida Efiopiyada oʻtayotgan yetakchilar yigʻilishi chogʻida eʼlon qilindi.