2030 йилда Қозоғистонда уруш бўлиши мумкин — Ермурат Бапи

Қозоғистон Парламент депутати Ермурат Бапи Миллий иқтисодиёт вазирлигининг 2025-2027 йилларга мўлжалланган бюджет лойиҳасига доир мажлисда сўзга чиқиб, мамлакатда 2030 йилга бориб уруш бўлиши мумкинлигини айтди. Бу ҳақда "Orda.kz" нашри маълум қилди.

Жаҳон

13.09.2024, 17:44

Lotinchada

Улашиш:

2030 yilda Qozogʻistonda urush boʻlishi mumkin — Yermurat Bapi

Қайд этилишича, йиғилишда Иқтисодиёт вазирлигининг 2025-2027 йилларга мўлжалланган бюджет лойиҳаси танқид қилинган. Жумладан, вазирлик мамлакат мудофаасини ривожлантириш учун кам маблағ йиғаётгани сабабли депутат Бапининг танқидига учраган. Шунингдек, Парламент депутати Украина-Россия урушини мисол келтириб, давлатда ҳарбий амалиёт ўтказилиши мумкинлигини билдирган.

"Агар Украина-Россия давлатларида содир бўлаётган воқеалар билан бизни солиштирадиган бўлсак, мудофаа соҳасига жуда кам маблағ ажратилган. Хўш, айтинг-чи, мудофаа харажатлари учун ялпи ички маҳсулотга нисбатан қанча пул ажратилган?!", дея сўраган Бапи.

Саволга Мудофаа вазири ўринбосари Аскер Бейсенов жавоб тариқасида 2025 йилгача мудофаа учун ялпи ички маҳсулотнинг 0,68 фоизи ажратилиши кутилаётганини айтган.

"Мудофаа вазирлиги, сиз хавфсизлик учун масъулсиз. 2030 йилда Қозоғистонда уруш бўлиши мумкин. Шундай хавф бор. Ҳатто ўзингизда ҳам шундай прогнозлар бор. Бу вазиятда ялпи ички маҳсулотдан мудофаага 0,68 фоиз ажратилиши нимани англатади?", дея қўшимча қилган у.

Аммо юқорида келтирилган фикрларда Қозоғистон қайси давлат билан низога келиб, уруш қилиши очиқланмаган. Лекин ижтимоий тармоқларда Россия ва Қозоғистон ўртасида келишмовчиликлар юзага келмоқда деган фикрлар ҳам мавжуд.

Жаҳон

13.09.2024, 17:44

Улашиш:

#Қозоғистон

мавзуга оид янгиликлар