2030 yilda Qozogʻistonda urush boʻlishi mumkin — Yermurat Bapi

Qayd etilishicha, yigʻilishda Iqtisodiyot vazirligining 2025-2027 yillarga moʻljallangan byudjet loyihasi tanqid qilingan. Jumladan, vazirlik mamlakat mudofaasini rivojlantirish uchun kam mablagʻ yigʻayotgani sababli deputat Bapining tanqidiga uchragan. Shuningdek, Parlament deputati Ukraina-Rossiya urushini misol keltirib, davlatda harbiy amaliyot oʻtkazilishi mumkinligini bildirgan. 

"Agar Ukraina-Rossiya davlatlarida sodir boʻlayotgan voqealar bilan bizni solishtiradigan boʻlsak, mudofaa sohasiga juda kam mablagʻ ajratilgan. Xoʻsh, ayting-chi, mudofaa xarajatlari uchun yalpi ichki mahsulotga nisbatan qancha pul ajratilgan?!", deya soʻragan Bapi. 

Savolga Mudofaa vaziri oʻrinbosari Asker Beysenov javob tariqasida 2025 yilgacha mudofaa uchun yalpi ichki mahsulotning 0,68 foizi ajratilishi kutilayotganini aytgan. 

"Mudofaa vazirligi, siz xavfsizlik uchun masʼulsiz. 2030 yilda Qozogʻistonda urush boʻlishi mumkin. Shunday xavf bor. Hatto oʻzingizda ham shunday prognozlar bor. Bu vaziyatda yalpi ichki mahsulotdan mudofaaga 0,68 foiz ajratilishi nimani anglatadi?", deya qoʻshimcha qilgan u. 

Ammo yuqorida keltirilgan fikrlarda Qozogʻiston qaysi davlat bilan nizoga kelib, urush qilishi ochiqlanmagan. Lekin ijtimoiy tarmoqlarda Rossiya va Qozogʻiston oʻrtasida kelishmovchiliklar yuzaga kelmoqda degan fikrlar ham mavjud.