Ҳиндистон илк хусусий орбитал ракетасини учирди

Ҳиндистоннинг “Skyroot Aerospace” номли космик стартапи 18 июл куни мамлакатда хусусий сектор томонидан ишлаб чиқилган илк орбитал ракетани учирди.

Бу глобал тижорий космик парвозлар бозорида каттароқ улушга интилаётган мамлакат учун муҳим синовдир.

“Vikram-1” ракетаси Шриҳарикотадаги Сатиш Дҳаван космик марказидан маҳаллий вақт билан 12:05 да ҳавога кўтарилди.

“Aagaman миссияси” деб номланган ушбу илк орбитал парвозда бир нечта буюртмачининг юклари ҳамда орбита тажрибаларини олиб чиқди.

У тахминан 15 дақиқадан сўнг юкини 450 км баландликдаги орбитага муваффақиятли олиб чиққан. Натижада эса Ҳиндистон хусусий корхона орқали орбитал учириш салоҳиятига эришган учинчи давлатга айланди.

"Skyroot" компаниясининг маълум қилишича, ушбу миссия ракетанинг ҳаракатлантирувчи, авионика, телеметрия, йўналтириш, навигация ва бошқарув тизимларини парвоз пайтида синовдан ўтказиш ҳамда келажакдаги тижорий парвозлар учун маълумотлар тўплашга мўлжалланган.

Ҳиндистон ҳукумати мамлакатнинг жаҳон космик иқтисодиётидаги улушини ҳозирги 8 миллиард доллардан 2033 йилга бориб 44 миллиард долларга оширишни мақсад қилган.

Бу бозорда АҚШ, Европа ва Хитой вакиллари устунлик қилади. Ҳиндистон улар билан рақобатлашишда хусусий компанияларга таянмоқчи.