Hindiston ilk xususiy orbital raketasini uchirdi

Hindistonning “Skyroot Aerospace” nomli kosmik startapi 18-iyul kuni mamlakatda xususiy sektor tomonidan ishlab chiqilgan ilk orbital raketani uchirdi.

Bu global tijoriy kosmik parvozlar bozorida kattaroq ulushga intilayotgan mamlakat uchun muhim sinovdir.

“Vikram-1” raketasi Shriharikotadagi Satish Dhavan kosmik markazidan mahalliy vaqt bilan 12:05 da havoga ko‘tarildi.

“Aagaman missiyasi” deb nomlangan ushbu ilk orbital parvozda bir nechta buyurtmachining yuklari hamda orbita tajribalarini olib chiqdi.

U taxminan 15 daqiqadan so‘ng yukini 450 km balandlikdagi orbitaga muvaffaqiyatli olib chiqqan. Natijada esa Hindiston xususiy korxona orqali orbital uchirish salohiyatiga erishgan uchinchi davlatga aylandi.

"Skyroot" kompaniyasining ma’lum qilishicha, ushbu missiya raketaning harakatlantiruvchi, avionika, telemetriya, yo‘naltirish, navigatsiya va boshqaruv tizimlarini parvoz paytida sinovdan o‘tkazish hamda kelajakdagi tijoriy parvozlar uchun ma’lumotlar to‘plashga mo‘ljallangan.

Hindiston hukumati mamlakatning jahon kosmik iqtisodiyotidagi ulushini hozirgi 8 milliard dollardan 2033-yilga borib 44 milliard dollarga oshirishni maqsad qilgan.

Bu bozorda AQSh, Yevropa va Xitoy vakillari ustunlik qiladi. Hindiston ular bilan raqobatlashishda xususiy kompaniyalarga tayanmoqchi.