Эпштейнга "қиз" етказиб берган француз модели ўлик ҳолда топилди

Нантерре прокуратураси жасадни душанба кечқурун қўшни аёлнинг синглиси топганини тасдиқлади. Камида бешта аёл Сиадни зўрлаш ва одам савдосида айблаган — у эса буларнинг барчасини рад этиб келган аммо, май ойида BFMTV каналига берган интервьюсида у Эпштейн билан муносабатлари фақат профессионал характерда бўлганини айтган эди.

Унинг адвокати Мейна Араб-Тигрин Сиад ҳеч қачон расман терговга олинмаганини, мижозининг вафотига юрак хуружи сабаб бўлганини маълум қилди, бироқ расмий хулосалар буни ҳали тасдиқлаганича йўқ. Аутопсия натижалари кутилмоқда.

Иккинчи ўлим, бир хил савол

Сиад Францияда Эпштейн билан боғлиқ ҳолда вафот этган иккинчи шахс. Биринчиси — модел агенти Жан-Люк Брюнел 2020 йилда ҳибсга олинган ва 2022 йилда қамоқхона камерасидан ўлик ҳолда топилган.

Яна бир муҳим гувоҳ вафот этди, ҳақиқатни очишга ёрдам бера оладиган яна бир занжир ҳалқаси йўқолди. Бошқача айтганда, Сиад вафоти билан Эпштейн тармоғидаги бошқа иштирокчиларни фош қилиши мумкин бўлган яна бир муҳим иштирокчи ўйиндан чиқди.