Ҳусийлар қандай қилиб Эроннинг энг кучли иттифоқчисига айланди?

Ҳусийлар 2014-йилдан бери Сано ва Яманнинг шимоли-ғарбини назорат қилади. Мамлакат аҳолисининг қарийб 70 фоизи улар назоратидаги ҳудудларда яшайди. Энди улар стратегик Боб ал-Мандаб бўғози, Моха порти ва Марибдаги нефт конлари устидан таъсирини кенгайтиришга уринмоқда. Июл ўрталаридан Саудия билан боғлиқ кемаларга ҳужумлар сабаб августда бўғоз орқали Саудия танкерларининг қатнови кескин камайган.

Маълумотларга кўра, ҳусийларнинг кучи фақат Эрон ёрдамига боғлиқ эмас. Улар қуролларнинг катта қисмини кичик контрабанда компонентларидан Яманнинг ўзида йиғишни ўрганган. Ҳатто айрим дронлар деярли Эрон деталларига эҳтиёж сезмайди. 2025-йилда улар АҚШнинг 7 та Reaper дронини уриб туширган, ҳозир эса радиоэлектрон воситалар билан тўсиб бўлмайдиган оптик толали дронлардан ҳам фойдаланмоқда.

Энг муҳим жиҳати шуки, ҳусийлар аста-секин Эроннинг оддий прокси кучидан мустақил ҳаракат қила оладиган минтақавий актора айланмоқда. Уларнинг географик жойлашуви эса Боб ал-Мандаб орқали Қизил денгиздаги халқаро савдо ва энергетика йўлларига бевосита босим ўтказиш имконини беради.

Халқаро таҳлилчилар хулосасига кўра, ҳусийларни ҳарбий йўл билан енгиш ниҳоятда қийин. Ямандаги янги уриш нафақат мамлакат ичидаги можаро, балки Қизил денгиз ва глобал денгиз савдоси учун ҳам янги хавфга айланиши мумкин.