Трамп АҚШ бош прокурорини алмаштирди

Бу ҳақда у ўзининг Truth Social тармоғида маълум қилди.

Маълум қилинишича, Бонди ушбу лавозимда қарийб бир йил фаолият юритган ва Трампнинг яқин сиёсий иттифоқчиларидан бири ҳисобланган. Унинг фаолияти айниқса Адлия вазирлигининг мустақиллигига эҳтимолий таъсири, шу жумладан Трампнинг сиёсий рақибларига қарши олиб борилган терговлар билан боғлиқ ҳолатлар сабаб танқид қилинган.

Бундан ташқари, унинг номи Жеффри Эпштейн иши билан боғлиқ муҳокамаларда ҳам тилга олингани фаолиятига нисбатан эътиборни янада кучайтирган.

Трамп Бондининг хусусий секторга ўтаётганини билдириб, унинг хизматларини юқори баҳолаган ва мамлакатда жиноятчилик даражасини пасайтиришга қўшган ҳиссаси учун миннатдорчилик билдирган.

Ҳозирча Бош прокурор вазифасини вақтинча Тод Бланш бажариб туради. Оммавий ахборот воситалари маълумотларига кўра, янги Бош прокурор сифатида Ли Зельдин номзоди кўриб чиқилмоқда.

Ушбу қарор аввал Конгрессда Бонди фаолияти юзасидан кучли муҳокамалар бўлиб ўтганидан сўнг қабул қилинди. Гарчи Трамп дастлаб уни қўллаб-қувватлаган бўлса-да, орадан кўп ўтмай унинг лавозимдан кетишини тасдиқлади.