Трамп разведка раҳбарини алмаштиришни кўриб чиқмоқда

Бу ҳақда "The Guardian" нашри хабар берди.

Маълум қилинишича, бу қарорга Эроннинг ядровий дастури бўйича келиб чиққан жиддий келишмовчиликлар сабаб бўлган. Трамп Габбарднинг позициясини «жуда юмшоқ» деб баҳоламоқда.

Разведка ҳамжамияти Эрон ҳозирча ядровий қурол яратиш устида фаол иш олиб бормаётганини таъкидлаётган бўлса-да, Трамп бу хулосани инкор этмоқда. Унинг фикрича, Эрон «бир неча ҳафта ичида» ядровий бомбага эга бўлиши мумкин.

Габбарднинг Сенатдаги чиқишлари президентнинг Эронга қарши сиёсатини асослашга зид келган. Шунингдек, унинг ўринбосари Жое Кентнинг урушга қарши позицияси сабаб истеъфога чиқиши вазиятни янада кескинлаштирган.

Трамп Габбард билан фикрларида фарқ борлигини тан олган. Гарчи у разведка раҳбарига нисбатан ишончи сақланаётганини билдирган бўлса-да, Оқ уй вакиллари разведка маълумотларидан норозиликни яширмаяпти.