"Қора шахзода" минтақа инқирозининг кучайишидан хавотирда эканини айтди

Кеча, 9 октябрь куни Эрон Ташқи ишлар вазири Аббас Аракчи Саудия Арабистони пойтахти Ар-Риёдга ўзининг минтақавий сафари доирасидаги биринчи ташрифини амалга оширди. У ташриф давомида Саудия валиаҳд шаҳзодаси Муҳаммад бин Салмон билан учрашди. Бу ҳақда "Mehr enews" агентлиги маълум қилди.

Жаҳон

10.10.2024, 09:54

Lotinchada

Улашиш:

"Qora shaxzoda" mintaqa inqirozining kuchayishidan xavotirda ekanini aytdi

Қайд этилишича, учрашувда Саудия валиаҳд шаҳзодаси минтақадаги инқирознинг кучайиши ва урушнинг тарқалиши ҳақида хавотирдалигини билдирган. Шу сабабдан бин Салмон барча мамлакатларнинг минтақавий барқарорлигини ва хавфсизлигини ҳимоя қилиш зарурлигини таъкидлаган. Шунингдек, шаҳзода 2023 йилдан буён икки мамлакат ўртасидаги келишувларнинг ривожланаётганини алоҳида эътироф этган.

"Саудия Арабистони Қироллиги Эрон билан икки томонлама муносабатларни янада яхшилаб давом эттиришга қатъий қарор қилган", деган у.

Эрон Ташқи ишлар вазири Аббас Аракчи қўшни давлатлар билан алоқалар ўрнатиш Эрон Президенти Масуд Пезешкиан ҳукуматининг ўзига белгилаб олган аниқ сиёсати эканлигини айтган. У минтақавий барқарорлик, хавфсизлик ва фаровонликни мустаҳкамлаш, ҳамда минтақа мамлакатлари билан иқтисодий ҳамкорликни ошириш учун муносабатларни янада яхшилаш кераклигини билдирган.

Аббас Аракчи минтақадаги воқеалар Ливан ҳамда Сурияда олиб борилаётган сўнгги вақтлардаги тажовуз ҳаракатлари ҳақида гапирар экан, барча минтақа мамлакатлари ҳамкорликда бор имкониятлардан фойдаланган ҳолда сионист режимининг ҳарбий ҳужумларини зудлик билан тўхтатишга ва Ғазо ҳамда Ливан инфратузилмасининг йўқ қилинишининг олдини олишга чақирган.

Учрашув якунида эса икки томонлама ва минтақавий масалалар юзасидан ҳамкорликни янада яхшилаб давом эттириш муҳимлигини таъкидлаган.

Жаҳон

10.10.2024, 09:54

Улашиш:

#Эрон #Саудия Арабистони #Қора шахзода

мавзуга оид янгиликлар