Сиздан угина, биздан бугина: АҚШ ниманинг эвазига Украинага ёрдам давом этишини айтди

Жорий йилнинг 3 февраль куни Америка Президенти Дональд Трамп агар Украина АҚШга ноёб қазилма материалларини етказиб беришни ваъда қилса, Киевга Вашингтон томонидан ёрдам давом эттирилишини маълум қилди. Бу ҳақда "Deutsche Welle" нашри хабар берди.

Жаҳон

05.02.2025, 14:58

Lotinchada

Улашиш:

Sizdan ugina, bizdan bugina: AQSh nimaning evaziga Ukrainaga yordam davom etishini aytdi

Трампнинг сўзларига кўра, агар Украина бу шартни қабул қилиб, у билан кафолатли шартномага эришса, тез орада Америка томонидан Украинага 300 миллиард АҚШ долларига яқин молиявий ёрдам берилади.

Украина Президенти Владимир Зеленский эса бу таклифга розилик билдириб, уни адолатли қарор деб баҳоламоқда.

"Бизнинг еримизни ҳимоя қилишда ёрдам бераётган, душманни ўзининг қуроллари, санксия пакетлари билан орқага суришимизда кўмаклашаётган ҳамкорларимиз билан минераллар ишлаб чиқаришимиз мумкинлигини очиқлаймиз", дейди Украина Президенти.

Бироқ, аслида, бу таклиф яқинда қайта сайланган Америка Президентининг ташаббуси эмас, балки Украинанинг ўзидан чиққан ғоя эди. Октябр ойининг ўрталарида Владимир Зеленскийнинг Олий Радага тақдим этган "Ғалаба режаси"сининг тўртинчи бандида айни шу келишувга доир сўз баради.

Унда Украина стратегик шерикларига мамлакатда мавжуд бўлган муҳим ресурсларни биргаликда ҳимоя қилиш, биргаликда инвеститсия қилиш ва тегишли иқтисодий салоҳиятдан фойдаланиш тўғрисида махсус битим тузишни таклиф қилган.

"Украинадаги муҳим конлар ва мамлакатнинг энергия ҳамда озиқ-овқат ишлаб чиқаришдаги глобал салоҳияти Россия Федератсиясининг ушбу урушдаги асосий мақсадларидан биридир. Шу билан бирга бу бизнинг ўсиш имкониятимиз ҳамдир", дея ўша пайтда нутқ сўзлаган Украина Президенти.

Жаҳон

05.02.2025, 14:58

Улашиш: