Алифбога тузатишлар ортиқча харажат талаб қилмайди

Лойиҳа юзасидан берилган расмий тушунтиришларга кўра, алифбодаги ўзгаришлар аҳоли ёки давлат учун шошилинч молиявий юкламаларни келтириб чиқармайди. Барча ҳужжатлар, давлат белгилари, дарсликлар ва бошқа расмий материаллар ўз амал қилиш муддати тугагунига қадар амалда бўлади. Улар фақат белгиланган тартибда ва босқичма-босқич янгиланади.

Шунингдек, ижтимоий тармоқларда тарқалаётган, алифбога ўзгартишлар исмли давлат рақам белгилари ёки бошқа хусусий манфаатлар билан боғлиқ экани ҳақидаги иддаолар тасдиқланмаган ва уларга асос йўқлиги таъкидланмоқда.

Таклиф этилаётган ўзгаришлар ўзбек тилини рақамли технологияларга янада мослаштириш, ёзувни соддалаштириш ва ягона стандартни шакллантириш мақсадида ишлаб чиқилган.

Шу боис алифбога киритилаётган тузатишлар қўшимча харажатлар ёки бошқа соҳалардаги ислоҳотлар билан эмас, балки тилнинг замонавий ривожланиш эҳтиёжлари билан изоҳланмоқда.