Педагогларга давлат тўловларида 50 фоиз чегирма берилади (имтиёзлар рўйхати)

Имтиёздан фойдаланиш учун педагог шахс таълим ташкилотида таълим ва тарбия соҳасида фаолият юритиши керак.

Расмий хабарда қуйидаги давлат хизматлари мисол сифатида келтирилган:

1.  Умумтаълим фанларидан билиш даражасини аниқлаш ва сертификат бериш

2.  Чет тилини билиш даражасини аниқлаш

3.  Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш

4.  Олий, ўрта махсус ва профессионал таълим тўғрисидаги ҳужжатларнинг дубликатини бериш

5.  Давлат умумий ўрта таълим ташкилотлари педагог кадрларини касбий сертификатлаш

6.  Кўчмас мулк объектига бўлган ҳуқуқлар ва улар бўйича тузилган битимларни давлат рўйхатидан ўтказиш

7.  Кўчмас мулкни бўлиш ёки бирлаштириш ва унинг янги чегараларини белгилаш

8.  Кўчмас мулк объектларига ва кўп квартирали уйдаги умумий мулкка кадастр паспортини тайёрлаш, шунингдек, кадастр ҳужжатларини расмийлаштириш

9.  Қурилиш тугалланган объектни топшириш-қабул қилиш ва фойдаланиш учун рухсатнома бериш

10.  Ер участкаларига ва кўп йиллик дов-дарахтларга кадастр паспортини тайёрлаш ва кадастр ҳужжатларини расмийлаштириш

11.  Кўчмас мулк бузилишга тушганлиги ёки тушмаганлиги тўғрисида маълумотнома бериш

12.  Шахснинг номида кўчмас мулк (турар ва нотурар жой) мавжуд ёки мавжуд эмаслиги ҳақида маълумотнома бериш

13.  Электрон рақамли имзо калитини рўйхатга олиш ва электрон рақамли имзо калитининг сертификатини бериш

14.  Юридик ва жисмоний шахсларни газ,  электр, иссиқлик сув таъминоти ва сув чиқариб ташлаш тармоқларига улаш.

15.  Фуқаролик ҳолати далолатномаларини ёзиш органлари томонидан архив маълумотномалари бериш

26.  Статистика маълумотларини тақдим этиш

Шунингдек, Адлия вазирлиги “Давлат божи тўғрисида”ги қонунга ўзгартириш киритиш бўйича лойиҳа ишлаб чиққан бўлиб, ҳозир у кўриб чиқилмоқда.

Лойиҳага кўра, педагоглар давлат хизматларидан фойдаланганда, агар улар тадбиркорлик қилмаса ёки юридик шахснинг вакили бўлмаса, барча давлат хизматларида белгиланган божлар бўйича 50 фоиз чегирма олади.

Бундан ташқари, 2025 йил 9 ноябрдаги Президент қарорига асосан, Соғлиқни сақлаш вазирлигига шифокорлар ва фармацевтлар учун давлат хизматлари тўловларини камайтириш бўйича таклифлар ишлаб чиқиш топширилган.