Pedagoglarga davlat to‘lovlarida 50 foiz chegirma beriladi (imtiyozlar ro‘yxati)

Imtiyozdan foydalanish uchun pedagog shaxs ta’lim tashkilotida ta’lim va tarbiya sohasida faoliyat yuritishi kerak.

Rasmiy xabarda quyidagi davlat xizmatlari misol sifatida keltirilgan:

1.  Umumta’lim fanlaridan bilish darajasini aniqlash va sertifikat berish

2.  Chet tilini bilish darajasini aniqlash

3.  Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish

4.  Oliy, o‘rta maxsus va professional ta’lim to‘g‘risidagi hujjatlarning dublikatini berish

5.  Davlat umumiy o‘rta ta’lim tashkilotlari pedagog kadrlarini kasbiy sertifikatlash

6.  Ko‘chmas mulk obyektiga bo‘lgan huquqlar va ular bo‘yicha tuzilgan bitimlarni davlat ro‘yxatidan o‘tkazish

7.  Ko‘chmas mulkni bo‘lish yoki birlashtirish va uning yangi chegaralarini belgilash

8.  Ko‘chmas mulk obyektlariga va ko‘p kvartirali uydagi umumiy mulkka kadastr pasportini tayyorlash, shuningdek, kadastr hujjatlarini rasmiylashtirish

9.  Qurilish tugallangan obyektni topshirish-qabul qilish va foydalanish uchun ruxsatnoma berish

10.  Yer uchastkalariga va ko‘p yillik dov-daraxtlarga kadastr pasportini tayyorlash va kadastr hujjatlarini rasmiylashtirish

11.  Ko‘chmas mulk buzilishga tushganligi yoki tushmaganligi to‘g‘risida ma’lumotnoma berish

12.  Shaxsning nomida ko‘chmas mulk (turar va noturar joy) mavjud yoki mavjud emasligi haqida ma’lumotnoma berish

13.  Elektron raqamli imzo kalitini ro‘yxatga olish va elektron raqamli imzo kalitining sertifikatini berish

14.  Yuridik va jismoniy shaxslarni gaz,  elektr, issiqlik suv ta’minoti va suv chiqarib tashlash tarmoqlariga ulash.

15.  Fuqarolik holati dalolatnomalarini yozish organlari tomonidan arxiv ma’lumotnomalari berish

26.  Statistika ma’lumotlarini taqdim etish

Shuningdek, Adliya vazirligi “Davlat boji to‘g‘risida”gi qonunga o‘zgartirish kiritish bo‘yicha loyiha ishlab chiqqan bo‘lib, hozir u ko‘rib chiqilmoqda.

Loyihaga ko‘ra, pedagoglar davlat xizmatlaridan foydalanganda, agar ular tadbirkorlik qilmasa yoki yuridik shaxsning vakili bo‘lmasa, barcha davlat xizmatlarida belgilangan bojlar bo‘yicha 50 foiz chegirma oladi.

Bundan tashqari, 2025-yil 9-noyabrdagi Prezident qaroriga asosan, Sog‘liqni saqlash vazirligiga shifokorlar va farmatsevtlar uchun davlat xizmatlari to‘lovlarini kamaytirish bo‘yicha takliflar ishlab chiqish topshirilgan.