Масофадан туриб никоҳдан ўтишга рухсат берилди

Қайси ҳолатларда масофадан никоҳ мумкин?

Янги тартибга кўра, Ўзбекистон фуқаролари қуйидаги ҳолатларда никоҳни масофадан туриб расмийлаштириши мумкин:

• никоҳланувчилардан бири ёки ҳар иккаласи жазони ижро этиш муассасасида бўлса;

• уларнинг ўзаро фарзанди бўлса (оталик белгиланган ҳолатда).

   

Жараён қандай амалга оширилади?

Никоҳ жараёнида ФҲДЁ бўлими мудири видеомулоқот орқали томонларга:

• никоҳнинг асосий шарти — ўзаро розилик эканини тушунтиради;
• эр-хотин ва ота-она сифатидаги ҳуқуқ ва мажбуриятлар ҳақида маълумот беради;
• никоҳга тўсқинлик қилувчи ҳолатлар ва жавобгарлик ҳақида огоҳлантиради.

Шунингдек, никоҳланувчиларга бир қатор саволлар берилиб, уларнинг розилиги текширилади.

Шахсни тасдиқлаш ва сақлаш

Масофавий никоҳда иштирок этувчиларнинг шахси Face-ID тизими орқали тасдиқланади. Видеомулоқот жараёнлари махсус электрон тизимда қайд этилиб, камида 15 йил давомида сақланади.

Аввал амалдаги қонунчиликка кўра, никоҳ фақат икки томоннинг шахсан иштирокида расмийлаштирилар эди.