Ходимларни мажбуран ишлатган масъулга 41,2 млн сўм жарима қўлланди

Омбудсманга “Сирдарё сув таъминоти” АЖ Ховос туман бўлими ходимлари дам олиш ва байрам кунлари мажбуран ишга жалб қилинаётгани ҳақида мурожаат келиб тушган.

Мурожаат Омбудсманнинг Сирдарё вилоятидаги минтақавий вакили ҳамда вилоят Давлат меҳнат инспекцияси томонидан ўрганилди.

Текширув давомида ходимларнинг тушунтириш хатлари, Telegram тармоғида тарқалган видеолар ҳамда ходимларни ишга чиқишга чақирган аудиоёзувлар таҳлил қилинди. Ўрганиш натижасида ходимларнинг дам олиш кунлари ишга жалб қилингани тасдиқланган.

Шундан сўнг бўлим бошлиғи А.П.га нисбатан Маъмурий жавобгарлик тўғрисидаги кодекснинг 51-моддаси 1-қисми асосида маъмурий баённома расмийлаштирилди.

Масъул шахсга 41 млн 200 минг сўм жарима қўлланилди.