Ер усти метро бекатларида ҳаракат вақтлари қисқарди

Ҳодиса оқибатида икки нафар йўловчи тан жароҳати олди.

Метрополитен маълум қилишича, ҳаракат хавфсизлигини таъминлаш мақсадида ушбу бекат орқали поездлар ҳаракати зудлик билан вақтинча тўхтатилди. Жароҳатланганларга воқеа жойида биринчи тиббий ёрдам кўрсатилди.

Айни пайтда мутахассислар ҳодиса сабабларини техник жиҳатдан ўрганмоқда. Шунингдек, аниқланган камчиликларни бартараф этиш бўйича ишлар бошланган.

Йўловчилар учун қулайлик яратиш мақсадида «Қипчоқ» ва «Қурувчилар» бекатлари оралиғида бепул метробуслар қатнови йўлга қўйилди.

Ер усти ҳалқа йўлида текширувлар бошланди

Ҳодисадан сўнг Тошкент метрополитени ер усти ҳалқа йўлидаги барча бекатларнинг техник ҳолатини қўшимча текширишга қарор қилди.

Шу муносабат билан 17–19 июль кунлари мазкур йўналишда поездлар 06:00 дан 22:30 гача ҳаракатланади.

Бу даврда ер усти ҳалқа йўлидаги 14 та бекатнинг конструктив ва техник ҳолати батафсил текширилади.

Метрополитенга кўра, профилактик тадбирлар инфратузилманинг ишончли ишлашини таъминлаш ва йўловчилар хавфсизлигини янада кучайтиришга қаратилган.