Хитойга қарши “урушда” АҚШ ютқазмоқда

Подкастда айтилишича, бу унинг олти ой давомидаги вазиятларга хулосаси ҳисобланади.

Унга кўра, АҚШнинг бугунги кундаги фарқ шундаки, президент Донъалд Трамп маъмурияти лавозимга келганидан бери рақибининг манфаатларига хизмат қиладиган кўплаб қадамлар қўйди ва ўзининг рақобатбардошлик қобилиятини заифлаштириб келмоқда. Тез орада бу йўналишни орқага қайтариб бўлмайдиган нуқтага етиб боради.

"Politico" нашрига кўра, ўн йиллар давомида Хитой Ден Сяопиннинг "кучингизни яширинг ва пайтингизни пойлаб туринг" деган кўрсатмасига амал қилди. Афсуски, АҚШ раҳбарлигидаги аксарият Ғарб мамлакатлари ушбу огоҳлантиришнинг муҳим қисми - Пекиннинг ўз вақтини кутаётганини эътиборсиз қолдириб, Хитойга фақат Ғарб товарлари, хизматлари ва сармояси учун улкан янги бозор сифатида қаради.

“Ҳамма Хитойнинг бойиши ҳисобига бойиб кетиши мумкиндек туюлди - Ден ва унинг издошлари бу фикрни тўла маъқуллашди. Бироқ уларнинг мақсади шунчаки бойиш эмас, балки дунёнинг ягона қолган супердавлатига қарши рақобатлашиш ва ғалаба қозониш учун зарур кучга эга бўлиш эди”, — дея ёзилади “Politico” нашрида.

Шундай қилиб, 2013 йилда Си Сзинпин ҳокимият тепасига келганда, Хитой энди ўз вақтини кутиб ўтиришга эҳтиёж сезмай, ўз куч-қудратини намоён эта бошлади.

Ўтган ўн йил ичида Хитой ҳарбий харажатларини 800 фоизга оширди - бу тинчлик давридаги энг йирик ҳарбий кучайиш ҳисобланади. Ҳозирда у АҚШдан кўпроқ ҳарбий кемаларни жойлаштирмоқда; ядровий қурол-яроғини замонавийлаштирмоқда ва ўн йиллик охирига келиб Россия ва АҚШ билан деярли тенгликка эришишни мақсад қилган; ҳамда узоқ вақтдан бери фақат АҚШ назоратида бўлган ҳудудларда ҳарбий кучини намойиш этмоқда.

Бироқ, унинг ҳарбий кенгайиши ва таъсир доираси эътиборга лойиқ бўлса-да, Хитойнинг иқтисодий, илмий ва технологик ютуқлари энг кўп ташвиш уйғотмоқда.