Xitoyga qarshi “urushda” kurashda AQSh yutqazmoqda

Podkastda aytilishicha, bu uning olti oy davomidagi vaziyatlarga xulosasi hisoblanadi.

Unga koʻra, AQShning bugungi kundagi farq shundaki, prezident Donʼald Tramp maʼmuriyati lavozimga kelganidan beri raqibining manfaatlariga xizmat qiladigan koʻplab qadamlar qoʻydi va oʻzining raqobatbardoshlik qobiliyatini zaiflashtirib kelmoqda. Tez orada bu yoʻnalishni orqaga qaytarib boʻlmaydigan nuqtaga yetib boradi.

"Politico" nashriga koʻra, oʻn yillar davomida Xitoy Den Syaopinning "kuchingizni yashiring va paytingizni poylab turing" degan koʻrsatmasiga amal qildi. Afsuski, AQSh rahbarligidagi aksariyat Gʻarb mamlakatlari ushbu ogohlantirishning muhim qismi - Pekinning oʻz vaqtini kutayotganini eʼtiborsiz qoldirib, Xitoyga faqat Gʻarb tovarlari, xizmatlari va sarmoyasi uchun ulkan yangi bozor sifatida qaradi.

“Hamma Xitoyning boyishi hisobiga boyib ketishi mumkindek tuyuldi - Den va uning izdoshlari bu fikrni toʻla maʼqullashdi. Biroq ularning maqsadi shunchaki boyish emas, balki dunyoning yagona qolgan superdavlatiga qarshi raqobatlashish va gʻalaba qozonish uchun zarur kuchga ega boʻlish edi”, — deya yoziladi “Politico” nashrida.

Shunday qilib, 2013 yilda Si Szinpin hokimiyat tepasiga kelganda, Xitoy endi oʻz vaqtini kutib oʻtirishga ehtiyoj sezmay, oʻz kuch-qudratini namoyon eta boshladi.

Oʻtgan oʻn yil ichida Xitoy harbiy xarajatlarini 800 foizga oshirdi - bu tinchlik davridagi eng yirik harbiy kuchayish hisoblanadi. Hozirda u AQShdan koʻproq harbiy kemalarni joylashtirmoqda; yadroviy qurol-yarogʻini zamonaviylashtirmoqda va oʻn yillik oxiriga kelib Rossiya va AQSh bilan deyarli tenglikka erishishni maqsad qilgan; hamda uzoq vaqtdan beri faqat AQSh nazoratida boʻlgan hududlarda harbiy kuchini namoyish etmoqda.

Biroq, uning harbiy kengayishi va taʼsir doirasi eʼtiborga loyiq boʻlsa-da, Xitoyning iqtisodiy, ilmiy va texnologik yutuqlari eng koʻp tashvish uygʻotmoqda.