Европa кинофестивали юбилейи Ўзбекистонда бўлиб ўтади

Европа кинофестивалининг ўн йиллик юбилейи 7–9 ноябрь кунлари Тошкентда ва 12 ноябр куни Термизда бўлиб ўтади. Фестиваль дастурига Европанинг 12 мамлакатидан танланган 12 та фильм киритилган. Улар орасида драма, ҳужжатли ҳамда анимацион асарлар бор. Барча фильм намойишлари бепул, кириш эркин.

Фото: Фото: Делегация ЕС в Узбекистане

Шунингдек, фестиваль доирасида Испаниянинг Aire Nuevo Danza гуруҳи чиқиши ва «Авлодлар» мавзусидаги қисқа метражли ҳаваскор фильмлар намойиши ҳам ўтказилади. Бу кўрсатувлар Француз альянси, Гёте институти ва Ўзбекистон кино ихлосмандлари ассоциацияси томонидан тайёрланган.

 Фестиваль Европа Иттифоқи делегацияси томонидан, ЕИга аъзо давлатлар элчихоналари билан ҳамкорликда ҳамда Ўзбекистон Республикаси Маданият вазирлиги ҳузуридаги Кинематография агентлиги кўмагида ташкил этилган.

Барча намойишлар бепул, кириш эркин. Фильмлар аслидаги тилда ўзбек ва рус тилларидаги субтитрлар билан намойиш этилади.

 

Тошкентдаги намойишлар дастури

Миллий кино санъати саройи (Навоий проспекти, 15)

7 ноябрь

🕚 11:00 — «Jonja» (Германия)
Ўзини англаш, дўстлик ва ёшликдаги ҳиссиётлар ҳақидаги таъсирли ҳикоя.

🕓 14:00 — «Amadeo» (Португалия)
Замонасидан илгарилаб кетган рассом Амадеу де Соуза-Кардозу ҳақидаги фильм.

🕕 18:00 — «Roza of Smyrna» (Греция)
Муҳаббат ва ўтмиш билан ярашиш ҳақидаги тарихий драма.

 

8 ноябрь

🕚 11:00 — «Four Souls of Coyote» (Венгрия)
Ҳинд афсоналари асосида яратилган фалсафий анимация фильми.

🕓 14:00 — «Chasing Unicorns» (Эстония)
Аёл тадбиркор ҳақидаги енгил ва иронияли драма — орзулар ва реал ҳаёт тўқнашуви ҳақида.

🕕 18:00 — «Дивертисмент» (Франция)
Париж чеккасидан чиққан икки опа-сингилнинг дирижёр бўлиш орзуси ҳақидаги илҳомбахш фильм.

 

9 ноябрь

🕚 11:00 — «Divertimento» (Словения)
Ўзини англаш ва ҳаётга юмор билан қараш ҳақидаги комедия.

🕓 14:00 —  «And the King Said, What a Fantastic Machine» (Швеция)
Камера ва медиа инсоннинг дунёқарашига қандай таъсир кўрсатишини ёритувчи ҳужжатли фильм.

🕕 18:00 — «Carmen» (Мальта)
50 ёшдан кейин янги ҳаёт бошлаган аёл ҳақидаги илҳомлантирувчи драма.

 

Термиздаги намойишлар дастури

Термиз кинотеатри

12 ноябр

🕚 11:00 — «Dekadentas № 2419» (Литва)
Келажакда инсон туйғуларини йўқотган жамият ҳақидаги поэтик фильм.

🕓 14:00 — «Gipsy Queen» (Австрия)
Боксчи она ҳақидаги драма — куч, ирода ва ишонч ҳақида.

🕕 18:00 — «Divertimento» (Франция)
Мусиқага муҳаббат ва орзу сари интилиш ҳақидаги илҳомбахш фильм.

сўнгги янгиликлар

Экорейдлар натижасида чиқинди ёқаётган корхоналар аниқланди

Текширув чоғида Зангиота туманида жойлашган ушбу объектда чиқиндиларни белгиланган тартибда қайта ишлаш ўрнига, уларни тўғридан-тўғри ёқиб юбораётгани маълум бўлди.

Ўзбекистон

27.11.2025, 16:20

Москва вилоятидаги масжидда ОМОН рейд ўтказди

Текширув давомида 16 нафар ноқонуний мигрант қўлга олинган. Шунингдек, 37 нафар ҳарбий ҳисобда турмаган шахс ОМОН томонидан ҳарбий комиссариатга олиб кетилган.

Жаҳон

27.11.2025, 14:24

Фото: THE WASHINGTON POST

Вашингтонда Оқ уй яқинида отишма содир бўлди, ҳужумчи қўлга олинди

Вашингтонда 26 ноябр куни Оқ уй яқинида эркак Миллий гвардия хизматчиларига ўқ узди. Ҳодиса натижасида икки ҳарбий оғир жароҳат олди. Ҳужумчи воқеа жойида қўлга олинган. Президент 2021 йилда мамлакатга кирган барча афғон фуқароларини қайта текширишни ва АҚШга фойдаси йўқ деб топилганларни депортация қилишни талаб қилди.

Жаҳон

27.11.2025, 12:19

Тошкент ИЭС бўйича видео ҳақиқатга тўғри келмайди — Энергетика вазирлиги

Ижтимоий тармоқларда “Мана нега ҳаво заҳарланди” сарлавҳаси билан тарқалган видео ҳақиқий вазиятни акс эттирмайди. Энергетика вазирлигининг маълум қилишича, мазкур видео қарийб 2 йил аввал — 2024 йил феврал ойида олинган бўлиб, бугунги кун билан ҳеч қандай боғлиқлиги йўқ.

Ўзбекистон

27.11.2025, 11:41

Алимент тўловчилар чет давлатга чиқиши мумкин бўлади

Янги қўшимчаларга кўра, алимент тўлаш мажбурияти юклатилган шахслар чет давлатга чиқиш учун вақтинчалик чекловни бекор қилиш мақсадида суғурта полисини илова қилган ҳолда давлат ижрочисига илтимоснома билан мурожаат қилиши мумкин. Илтимоснома кўриб чиқилганидан сўнг, давлат ижрочиси четга чиқиш бўйича чекловни маълум муддатга тўхтатиб туради.

Ўзбекистон

27.11.2025, 09:55

Ўзбек—француз университети ташкил этилади

Ўзбекистон Президентининг 26 ноябрдаги қарорига мувофиқ, мамлакатда Ўзбек—француз университети ташкил этилади. Дастлабки босқичда таълим магистратура йўналишида йўлга қўйилади, кейинчалик эса босқичма-босқич бакалавриат ва докторантура таълим дастурлари очилади. Шунингдек, университетга кириш учун тайёрлов курси ҳам жорий этилади.

Ўзбекистон

27.11.2025, 09:38

Gateway черкови асосчиси 12 ёшли қизга нисбатан жинсий зўравонлик қилганини тан олди

Техас штатидаги Gateway йирик черковининг асосчиси ва собиқ бош пастори Роберт Моррис 12 ёшли қизга нисбатан жинсий зўравонлик қилганини судда тан олди. Роберт Моррисга Осейдж округи прокуратураси томонидан болага нисбатан беш эпизод бўйича ахлоққа зид ҳаракатлар содир этганлик айблови қўйилди. Терговга кўра, зўравонлик 1982 йил декабрида бошланган — ўшанда жабрланувчи 12 ёшда, Моррис эса тахминан 21 ёшда бўлган.

Жаҳон

26.11.2025, 12:22

Қаддофийнинг йўқолган бойликлари қаерда? 14 йиллик қидирув ва ҳануз очилмаган сирлар

2011 йил октябрида Ливия раҳбари Муаммар Қаддофийнинг ўлдирилиши билан сиёсий давр якунланди, аммо унинг дунё бўйлаб тарқатилган мол-мулки масаласи ҳануз сирлигича қолмоқда. 40 йиллик ҳукмронлик даврида тўпланган маблағлар, олтин, санъат асарлари ва кўчмас мулклар ўрни аниқланмагани сабабли, халқаро марказлар ва махсус хизматларнинг эътибори шу масалага қаратилган.

Жаҳон

26.11.2025, 10:42

Эрон–Туркия Жанубий Йўлаги Марказий Осиё учун нега муҳим?

Ўтган ҳафта Истанбулда Эрон, Хитой, Қозоғистон, Ўзбекистон, Туркманистон ва Туркия Евроосиё коридорининг жанубий йўналиши бўйича юк ташишни кучайтиришга қаратилган янги темирйўл-транзит битимини имзолади.

Иқтисодиёт

26.11.2025, 09:23

Саудия Арабистони иккита янги алкогол дўконини очади — Reuters

Дўконлардан бири Даҳрон шаҳридаги Saudi Aramco ҳимояланган мажмуасида жойлашади ва фақат мусулмон бўлмаган хорижий ходимларга хизмат кўрсатади. Иккинчиси эса Жидда шаҳрида аккредитациядан ўтган дипломатлар учун очилади. Эслатиб ўтамиз, Саудияда мусулмонларга алкогол сотиш, сақлаш ва истеъмол қилиш 1952 йилдаги оммавий можародан сўнг тўлиқ тақиқланган.

Жаҳон

26.11.2025, 08:26

Автомобиллар учун тоқ ва жуфт саналарда ҳаракатланишни чеклаш амалиёти жорий этилади

Президент фармонига мувофиқ, зарур ҳолларда автотранспорт воситалари ҳаракатини чеклаш бўйича махсус комиссия тузилди.

Ўзбекистон

25.11.2025, 17:11

Барча масжидларда ёмғир сўраб намоз ўқилади

Куз фасли деярли ёмғирсиз ўтаётгани ва яқин кунларда ҳам ёғингарчилик кутилмаётгани сабабли, Ўзбекистондаги барча масжидларда 28 ноябрь куни жума намозидан сўнг истисқо намози ўқилади. Умра зиёратида бўлиб турган элликбошиларга ўз жамоалари билан истисқо намозини ўқиш тавсия этилди.

Ўзбекистон

25.11.2025, 14:21