2025 yil uchun zakot, fitr va fidya miqdori maʼlum qilindi

Oʻzbekiston musulmonlari idorasi Fatvo markazi bu yilgi Ramazon oyi uchun zakot hisobini 85 gramm 585 probali tillaning qiymatidan kelib chiqib 61 200 000 (oltmish bir million ikki yuz ming) soʻm deb belgilagan. 

Shunga koʻra, kimda zaruriy ehtiyojidan tashqari kamida 61 200 000 (oltmish bir million ikki yuz ming) soʻm qiymatidagi pul mablagʻi yoki ushbu qiymatdagi savdo-tijorat moli boʻlsa, jami mablagʻining qirqdan biri (2,5 foiz)ni zakot niyatida haqdorlarga beradi. 

Fitr sadaqasining miqdori esa quyidagicha belgilandi: 

— 2 kg bugʻdoy unidan – 10 000 (oʻn ming) soʻm;
— 4 kg arpadan – 16 000 (oʻn olti ming) soʻm; 
— 2 kg mayizdan – 110 000 (bir yuz oʻn ming) soʻm; 
— 4 kg xurmodan – 180 000 (bir yuz sakson ming) soʻm deb belgilandi. 

Bunda har kim oʻz imkoniyatiga qarab ushbu toʻrt mahsulotdan xohlagan biri yoki uning qiymatini fitr sadaqasi niyatida bersa kifoya qiladi. 

Bir kunlik fidya miqdori fitr sadaqaning miqdori bilan bir xil boʻladi. Bunda har kim oʻz imkoniyatiga qarab ushbu toʻrt mahsulotdan xohlagan biri yoki uning qiymatini fidya niyatida bersa boʻladi.