Бельгия Фаластин давлатини тан олади, Исроилга санкциялар жорий этади

Бельгия бу қадам билан Буюк Британия, Франция, Канада ва Австралия қаторига қўшилади.
Исроилга нисбатан санкциялар пакетини жорий этиш режалаштирилган. Жумладан:

Ғарбий соҳилдаги яҳудий посёлкаларидан импортни тақиқлаш,

Халқаро суд жараёнларини йўлга қўйиш имконияти.

Исроил ҳукумати ҳозирча бу қарорга муносабат билдирмади. Аммо аввалроқ ТИВ Буюк Британия режасини «ҲАМАС учун мукофот» деб баҳолаган эди.

Эслатиб ўтамиз, жорий йил март ойига қадар БМТнинг 193 аъзосидан 147 таси Фаластинни давлат сифатида тан олган. Ирландия, Испания ва Норвегия эса бу қарорни ўтган йилиёқ қабул қилган эди.

Шу билан бирга, Исроил молия вазири Бецалел Смотрич Ғарбий соҳилда янги турар-жой посёлкаси қурилишини эълон қилиб, «бу Фаластин давлати ғоясини бутунлай йўқ қилади» дея баёнот берди.