Buxoroda saksovul oʻgʻrilari 500 mln soʻmdan ziyod jarimaga tortildi

Unda aytilishicha, ayni kunlarda ham Buxoro viloyati Ekologiya, atrof-muhitni muhofaza qilish va iqlim oʻzgarishi boshqarmasi inspektorlari tomonidan saksovul oʻsimliklari kesilishining oldini olish maqsadida reyd tadbirlari olib borilmoqda. 

Mazkur reydlar davomida 9 oyda jami 60 ta huquqbuzarlik holati aniqlangan. Shundan 2 nafar fuqaroga takroran huquqbuzarlik sodir etganligi uchun Oʻzbekiston Respublikasi Maʼmuriy javobgarlik toʻgʻrisidagi kodeksi (MJtK)ning 79-moddasi 2-qismi bilan bayonnoma rasmiylashtirilib, hujjatlar sudga taqdim etilgan hamda sud qarori boʻyicha javobgarlikka tortilgan. 

Huquqbuzarliklar yuzasidan fuqarolarga nisbatan MJtKning 79-moddasi 1-qismi bilan bayonnoma rasmiylashtirilib, 164 million 900 ming soʻm jarima hamda tabiatga yetkazilgan 373 million 727 ming soʻm zarar hisoblanilgan. 

"Saksovullarni sindirgan huquqbuzarlar jami 538 million 627 ming soʻm toʻlashlari belgilandi. Reyd tadbirlari davom etadi", deyiladi xabarda. 

Eslatib oʻtamiz, bundan oldin Oʻzbekistonning turli hududlaridan tabiatga zarar yetkazib, noqonuniy ravishda qum-shagʻal aralashmasini qazib olgan bir guruh fuqarolar qoʻlga tushgani haqida xabar bergan edik.