“Dinamo” klubi sobiq futbolchisi 34 yoshda vafot etdi

U futbolchilik faoliyati davomida jarohat olib, davolab boʻlmaydigan kasallikka chalingan. Sogʻligʻini xavf ostiga qoʻyib boʻlsada, futbolchi Tojikiston va Oʻzbekistonning turli klublarida oʻynashda davom etadi. Sayriddin Tojikistonda ikki marta jarrohlik amaliyotini oʻtkazgan. Uchinchi amaliyot Toshkentda oʻtkazilgan.
Maʼlum qilinishicha, taxminan bir yil oldin futbolchi ikki qoʻlida, keyin oyoqlarida vazn va kuch yoʻqotishni boshlagan. Keyinchalik u gapirish qobiliyatini ham yoʻqotdi. Shifokorlar unda lateral amiotrofik skleroz borligini aniqlagan.

Maʼlumot uchun, Sayriddin Gʻafforov dastlab “Shoʻrchi” jamoasida toʻp surgan. Soʻngra 2008 va 2010 yillar mobaynida “Shoʻrtan” sharafini himoya qildi. Shuningdek, Samarqandning “Dinamo”sida ham faoliyat yuritgan.