Dunyoga yangi adolatli tizim kerak

Elchi Ufuk Ulutash Turkiya Prezidenti Rajab Toib Erdoʻgʻanning “Dunyo besh mamlakatdan katta” degani, gapi daʼvo yoki ehtiros emas, balki haqiqatning eng sodda va eng mazmunli bayonoti ekanligini maʼlum qildi.

“Turkiyani “Dunyo adolatliroq boʻlishi mumkin” deyishiga sabab shundaki, janob Prezidentimizning bu chaqirigʻining Somalidan Indoneziyagacha, Bosniya-Gersegovinadan Sudangacha, Oʻzbekistondan Venesuelagacha, Falastindan Ruandagacha dunyoning har bir burchagida aks-sado berganidir”, dedi elchi.

Shuningdek, diplomat BMTning eskirayotgani va ikki tomonlama standartlar qoʻllanilayotganligiga Falastinni misol qilib koʻrsatib, yillar davomida Falastin xalqiga qilinayotgan nohaqliklar qarshisida xalqaro hamjamiyat naqadar ojiz qolganini tanqid ostiga oldi.

Elchi musulmonlarga qarshi uyushtirilgan genotsidlardan yana biri sifatida - Bolqonda mutaassiblar va genotsid tarafdorlari qoʻlida qolgan musulmonlarning nochorligi haqidagi achchiq xotiralarni yodga oldi.

Shuningdek, diplomat Suriyadagi Asadlar rejimi va mamlakatdagi adolatsizliklarni tilga oldi.

“Suriyadagi hukumat oʻz xalqiga turli yoʻllar bilan, jumladan kimyoviy qurollar bilan zarar yetkazgan holda sukut saqlay olish va Suriya xalqining ne chogʻliq yolgʻiz qolganini birgalikda boshimizdan oʻtkazdik” deydi elchi.

Ufuk Ulutashga koʻra, xalqaro hamjamiyatni tashkil etuvchi beshta davlatning ogʻzidan chiqayotgan jumlalarga qarab oʻz yoʻnalishini belgilash hashamati tugaganini koʻrmoqdamiz va BMTga inklyuziv, keng qamrovli, muvozanatli va oldindan aytish mumkin boʻlgan islohot kerak.